Pakistanyň premýer-ministri Trampyň belliklerine jogap berdi
Imran Khan özüniň Twitter hasabynda 2001-nji ýylyň 11-nji sentýabryndaky terroristik hüjümlerinden soň başlanan “ABŞ-nyň terrora garşy söweşinde” Pakistanyň 75 müň adamy we 123 milliard dollary ýitirendigini aýdyp, ýazgy galdyrdy.
Şeýle-de, ol ABŞ-nyň Pakistana kömek diýip “ujypsyzja” 20 milliard dollar möçberinde maliýe berendigini belledi.
Şu ýylyň dowamynda Tramp Pakistana berilýän maliýe hemaýatyndan umumy hasapda 800 million dollary kesipdi. Tramp Pakistanyň öz serhet çäklerinde owgan “Talybanynyň” we “Hakkani” toparynyň howpsuz ýagdaýda ýaşaýan sebitlerini ýok etmekde ýeterlik iş etmändigini aýtdy.
Pakistan bu aýyplamalary ret etdi.