Новости за 28.02.2021

Андрей Бабиш, нахуствазири Чехия гуфт, кишвараш метавонад, воксинаи русии Sputnik V-ро зидди короновирус бидуни тасдиқи Оҷонсии аврупоӣ оид ба доруворӣ истифода кунад.

Мақомоти Қазоқистон эътирози мухолифни ҳукуматро пароканда карданд

Боздошти эътирозгарони мухолифи ҳукумат дар Қазоқистон. Рӯзи 28-уми феврал пайравони ду гурӯҳи мухолифи ҳукумати Қазокисон дар шаҳрҳои Оқтеппа ва Орали ин кишвар бо талаби озодиҳои бештар раҳпаймоиҳо доир намуданд.

Чиниҳои муқими Тоҷикистон, ки аксаран дар марказҳои забономӯзӣ ва корхонаҳои саноатӣ фаъолият доранд, имсол натавонистаанд, барои таҷлил аз соли нав ба кишвари худ раванд. Бино бар солшумории қамарӣ, соли нав дар Чин аз 12 то 18-уми феврал таҷлил шуд.

Фармондеҳон ва сиёсатмадорони баландпояи Исроил рӯзи 28-уми феврал дар як ҳамоиш ҷамъ меоянд, то масъалаи ҳамла ба киштии боркашон дар халиҷи Оманро баррасӣ кунанд. Вазири мудофеаи Исроил гуфт, эҳтимол ин ҳамларо Эрон тарҳрезӣ кардааст.

Нуру Туркел нозири Комиссияи ИМА оид ба озодиҳои байналмилалии динӣ Шомил Ҳакимов як пайрави фирқаи “Шоҳидони Яҳво”-ро, ки барои 7,5 дар Тоҷикистон зиндон шудааст зери ҳимояти худ қарор додааст.

Комиссияи мустақили ҳуқуқи башари Афғонистон (AIHRC) 28 феврал мегӯяд, як фармондеҳи Толибон се узви оилаи рӯзноманигори кушташударо дар маркази вилояти Ғур ба қатл расондааст.

Мирзо Катавозай, муовини раиси порлумони Афғонистон, гуфт, дар қочоқи 90 кило тилло ва 15 миллион доллар аз Афғонистон ба Тоҷикистон ва кӯшиши бурданаш ба кишвари севум даст надорад.

Гуруҳе аз шаҳрвандони Тоҷикистон, ки солҳо боз дар зиндонҳои Узбекистон адои ҷазо мекунанд аз мақомоти ду кишвар хостаанд барои бозбинии парванда ва озодии онҳо мусоидат кунанд.

Раиси вилояти Хатлон гуфт, омори вобаста ба замини кишти картошка дар ноҳияи Муъминобод, ки ба қавли ӯ дар рӯйи коғаз дигару дар асл дигар буд, боис ба барканории раиси ноҳия шудааст.