Новости за 03.02.2021

Азим Иброҳим, вазири нақлиёти Тоҷикистон, мегӯяд, ки омода ҳастанд, ҳамин лаҳза мусофиркашониро тавассути қатор ё поезд ба хориҷа, аз ҷумла Русия, ба роҳ монанд, вале вазъи вобаста ба коронавирус иҷозат намедиҳад.

Дар пасманзари шикояти тоҷирони тоҷик аз банд мондани молҳои харидаашон дар марзи Чин, масъулони Палатаи савдо ва саноати Тоҷикистон гуфтанд, ки мақомот барои ҳалли масъала бо Пекин музокирот доранд.

Намояндагони Хадамоти зиддиинҳисорӣ (зиддимонополӣ)-и Тоҷикистон гуфтанд, ки тоҷиронро барои, ба қавли онҳо, беасос боло бурдани қимати маҳсулот 11 миллион сомонӣ ҷарима бастанд.

Дар Душанбе кормандони милиса як сокини 21-солаи шаҳри Кӯлобро боздошт карданд. М.Д. дар 13 ҳолати дуздӣ аз мошинҳое муттаҳам мешавад, ки соҳибонашон шабона нақлиёти худро дар берун мегузоштаанд. Ба қавли Раёсати умури дохилии пойтахт, гумонбар шабона шишаҳои мошинҳоро шикаста аз дохили он пул ва дигар ашёи арзишмандро азхуд мекард. Зарари расида ба ронандгони ин мошинҳо 15 ҳазор сомонӣ ҳисоб шудааст. Гуфта мешавад, танҳо дар шаби соли нав ӯ дар маҳаллаи Зарнигор ашёи дохили 8 мошинро дуздидааст. Читать дальше...

Cоли гузашта издивоҷи бонувони тоҷик бо шаҳрвандони хориҷӣ камтар шудааст. Вазорати адлияи Тоҷикистон мегӯяд, дар соли гузашта 192 ҳолати издивоҷи занони тоҷик бо шаҳврандони кишварҳои дигар аксарон бо зодагони Русия, Узбекистон, Афғонистон ва Чин сабт шудааст, ки нисбати соли 2019 - 11 маврид камтар аст. Аксарияти мавридҳои никоҳ бо хориҷиён дар шаҳру ноҳияҳои тобеи марказ ба қайд гирфта шудааст. Вазорати адлия кам шудани шумораи чунин никоҳҳоро ба татбиқи қонунгузории Тоҷикистон дар бахши издивоҷ бо хориҷиён рабт дод... Читать дальше...

Парвандаи Кароматулло Ҷабборов, блогери тоҷик ва ширкаткунандаи саҳнаи шӯхиомез ва ё пранкии коронавирус дар метрои Маскав барои баррасии иловагӣ ба додситонӣ бозпас фиристода шуд. Додгоҳи Пресненскии шаҳри Маскав гуфт, ҳангоми муҳокимаи парванда дар таъйини айбнома қонуншиканиҳоро ошкор кардааст. Тибқи ҳукми муваққатии додгоҳ қонуншиканиҳои ҷойдошта баррасии паврандаи ҷиноиро халадор мекунад. Кароматулло Ҷабборовро рӯзи 8-уми феврали соли 2020, дар пайи ташкил ва сабти "пранк" дар вагони метрои Маскав, дастгир карданд. Читать дальше...

Вазири тандурустии Тоҷикистон омодагии фурудгоҳи байналмилалии Душанберо барои ташхиси намуди нави коронавирус озмоиш кард. Бо ин ҳадаф дирӯз Ҷамолиддин Абуллозода ба фурудгоҳ рафта аз нуқтаи ташхиси бемории Ковид 19, ки ҳар мусофири аз хориҷа воридшуда аз муоини табибон мегузарад, дидан кард. Мақомоти беҳдоштӣ мегӯянд, аз аввали сол дар кишвар ягон мавриди гирифторӣ ба Ковид-19 сабт нашудааст. Санҷидани дурустии ин изҳороту омори расмӣ тавассути манобеи мустақил феълан имкон надорад. Ин дар ҳолест... Читать дальше...

Аз ин ба баъд ҳангоми таъийн шудани додрас ё судяҳо ва адои вазифа, онҳо ӯҳдадор мешаванд, ки ҳар сол эъломияҳо дар бораи даромад ва вазъи молии худро пешниҳод кунанд. Шарти нав дар лоиҳаи қонунро ахиран вакилони Маҷлиси Намояндагон матраҳ кардаанд. Пешниҳоди маълумоти бардурӯғ метавонад барои аз вазифа озод кардани судяҳо асос шавад. Тибқи ислоҳоте, ки дар тарҳи қонун пешниҳод шудааст, афроди бознишаста ва шаҳрвандони хориҷӣ наметавонанд ҳамчун додрас таъйн ва ё интихоб гарданд. Дар даҳ соли гузашта... Читать дальше...

Намояндагони Хадамоти зиддиинҳисории Тоҷикистон гуфтанд, ки тоҷиронро барои, ба қавли онҳо, беасос боло бурдани қимати маҳсулот 11 миллион сомонӣ ҷарима бастанд. Сокинон мегӯянд, ҷаримаву ҳабс роҳи ҳал нест, беҳтар аст, мақомот чораҳои дигари поин овардани нархи маҳсулотро биандешанд.

Матбуот хабар медиҳад, ки полиси кишвари Мянмар зидди Аун Сан Суҷӣ айб эълон карда ӯро то 15-уми феврал ба ҳабс гирифт.  Артиши Мянмар рӯзи 1-уми феврал қудратро ғасб кард ва барандаи ҷоизаи сулҳи Нобел Аун Сан Суҷиро боздошт кард. Ин таҳаввулот боиси пешгирӣ аз   интиқоли демократии қудрат ва маҳкуммияти ИМА ва дигар кишварҳои ғарбӣ шуд.   Дар иттиҳоми полис гуфта шудааст, ки дар паи кофтукобҳои манзили  Аун Сан Суҷии 75-сола  дар шаҳри Нейпидо ратсия пайдо шуд ва дастгоҳҳои радиои марбут ба ин ратсияҳо бидуни иҷоза ба берун бурда шудаанд. Читать дальше...

Писари Изатулло Ҳаёев-раиси пешини Девони вазирони Тоҷикистон, аз озодӣ маҳрум шуд.

Фурудгоҳи Кӯлоб аз ширкати русӣ қарздор шудааст.

Исматулло Ҳаёев, писари Иззатулло Ҳаёев, раиси собиқи девони вазирони Тоҷикистонро ба ҳашт сол зиндони низомаш сахт маҳкум кардаанд. Ба иттилои дарёфтии Радиои Озодӣ, Додгоҳи ноҳияи Фирдавсии Душанбе ӯро моҳи январи имсол ба "тасарруфи пулу мол" гунаҳкор донист.

Тими ҷавонони Тоҷикистон дуввумин бозии худ дар мусобиқаи байналмилалии "Ҷоми рушд-2021" яккачини Молдоваро бо ҳисоби бузург шикаст дод

Дастаи мунтахаби наврасони Тоҷикистон (U-17) дар бозии дувумаш дар  мусобиқаи байналмилалии "Ҷоми рушд-2021”, ки имрӯз, 3-юми феврал, дар Мински Беларус баргузор шуд, бар тими Молдова бо ҳисоби бузурги 5:1 пирӯз шуд. Голҳои Ҳукмиддин Шомуродов, Хусрав Тоиров, Абдулфаттоҳ Худойдодзода, Асадбек Ҷӯрабекзода ва Суннатулло Азизов ба мунтахаби Тоҷикистон се имтиёз овард. Аз ин пеш дастаи мунтахаби наврасони Тоҷикистон (U-17) дар нахустин бозиаш дар мусобиқаи байналмилалии "Ҷоми рушд-2021”, ки 31-уми январ дар Минск баргузор шуд... Читать дальше...

Президенти Федератсияи байналмилалии футбол Ҷанни Инфантино эълом дошт, ки бозиҳои Ҷоми ҷаҳон-2022 дар Қатар бо ҳузури тамошобинони сершуморе, ки ҷойгоҳҳоро пур мекунанд, баргузор мешаванд.  Инфантино дар ин бора дар як конфронси муштараки FIFA ва Созмони ҷаҳонии тандурустӣ дар доираи мубориза бо коронавирус хабар дод. "Варзишгоҳҳо пур мешаванд. COVID-19 то он замон мағлуб хоҳад шуд ва мо ҳама ба зиндагии муқаррарӣ бармегардем", - иброз дошт раҳбари FIFA дар ин конфронс. Ёдовар мешавем, Ҷоми... Читать дальше...

Президенти Украина Владимир Зеленский қарори таҳрими панҷсолаи як сиёсатмадори рӯ ба Русия Тарас Козак ва ширкатҳои телевизионии марбут ба ӯро имзо кард.  "112 Украина", NewsOne ва ZIK-ро имзо кард. Таҳримҳо бар асоси қарори Шӯрои амнияти миллӣ ва дифоъ ҷорӣ шуда, дар баробари дигар тадбирҳо, масдуд кардани дороиҳо, маҳдуд кардани амалиёти тиҷоратӣ ва манъи берун бурдани сармояҳо аз кишварро пешбинӣ мекунад. Таҳримҳо инчунин ба чандин телевизионҳои минтақавӣ ҳам рабт доранд, ки таҳти тамғаи  "112 Украина" амал мекунанд. Читать дальше...

Чаро нархи билети парвозҳо аз Русия ба Тоҷикистон гарон аст? Пандемия ба ширкатҳои ҳавопаймоии кишвар чӣ таъсир дошт?  Оё "Сомон Эйр" монополисти соҳа аст?

Президенти ИМА Ҷо Байден ва ҳамсараш Ҷилл Байден дар маросими поси хотири ходими полиси дар рӯзи ҳамла ба бинои Конгресси ИМА кушташуда иштирок карданд. 6-уми январ, соатҳое, ки аъзои Конгресс натиҷаҳои интихоботи президентии соли 2020-ро тасдиқ мекарданд, издиҳоми хашмолуди тарафдорони президенти пешин Доналд Трамп ба бинои Капитол ҳамла кард. Ҳамкорону меҳмонон рӯзи 2 феврал дар бинои Конгресс аз назди хокистари афсари кушташуда Браян Сикник гузашта эҳтироми худро ба корномаи фоҷеабори полис изҳор намуданд. Читать дальше...

Масъулини  Иттиҳоди давлатҳои мустақил (ИДМ) мегӯянд, ки дар назди ин созмони зери назари Русия қарор аст Маркази арзёбии хатарҳои пулшӯӣ ва маблағгузори терроризм сохта шавад. Хабаргузории "Интерфакс-Запад" рӯзи 3-юми феврал бо такя ба дафтари матбуоти ИДМ навишт, ки вазифаи ин марказ аз тақвияти ҳамкориҳои сохторҳои марбут ба иктишофи молӣ иборат хоҳад буд. Дар бораи зарурати таъсиси чунин як марказ рӯзи 2 феврал дар ҷаласаи кумитаи иҷроияи ИДМ таъкид шудааст, ки ба таври онлайнӣ барпо шуд. Ин... Читать дальше...

Дар марҳилаи финалӣ 4 даста аз минтақаи Душанбе, дудастаӣ аз минтақаи Суғд ва Хатлон ширкат меварзанд

Дар Порис (Париж), пойтахти Фаронса, ба поси эҳтироми Аҳмадшоҳ Масъуд, аз нерӯмандтарин фармондеҳи зидди Шӯравию Толибон ва қаҳрамони миллии Афғонистон, лавҳаи ёдгорӣ мегузоранд. Шуморе аз сиёсатмадорони афғон аз ин тасмим ситоиш кардаанд.

Ҳукми як додгоҳи ноҳиявии Маскав, ки гуфт, сиёсатмадори мухолифи ҳукумат Алексей Навалний 2 солу 8 моҳро дар зиндон пуштисар мекунад, вокунишҳои тунди кишварҳои ғарбӣ  ва ҳам намоишҳои эътирозии навро дар Русия ба бор овард. Таҳлилгарон мегӯянд, ҳукми рӯзи 2-юми феврал паём ба дигар мухолифони ҳукумат аст, ки саркӯб хоҳанд шуд. Додрас Наталя Репникова дар ҳукми худ гуфт, ҳабси шартии Алексей Навалний бар асоси хулосаҳои додгоҳи соли 2014 оид ба иттиҳоми фасод ба ҳукми 2 солу 8 моҳи зиндон иваз мешавад. Читать дальше...

Мақомоти Тоҷикистон гуфтанд, ширкати TBEA-и Чин дар "Дуобаи шарқӣ", яке аз конҳои калонтарини кишвар, ба истихроҷи тилло оғоз кардааст.

Корманди пулис дар вилояти Чуйи Қирғизистон рӯзи 3 феврал аз рабудани духтари ноболиғе пешгирӣ карданд. Пулиси роҳ ҳангоми тафтиши ҳуҷҷатҳои ронандае дар дохили мошин духтареро мушоҳида карданд. Он духтар хабар дод, ки ӯро аз муассисаи таҳсилотие аз шаҳри Токмак рабудаанд. Духтарро мехостанд, ба яке аз деҳаҳои наздики фурудгоҳи "Манас" баранд. Ронанда ва як марди дигар, ки ҳар ду 20 сол доранд, боздошт шуданд. Дар Қирғизистон соли 2013 барои арусрабоӣ ҷавобгарии ҷиноӣ таъйин шуд. Бар асоси қонун... Читать дальше...