Новости за 09.09.2018

Пулиси Русия даҳҳо нафари норозиро аз ислоҳоти низоми нафақа дар он кишвар дастгир ваё дар маҳалли гирдиҳамоӣ латту кӯб кардааст.

Пулиси Кобул, пойтахти Афғонистон мегӯяд, дар натиҷаи ҳамлаи интиҳорӣ ба корвони азодорони ҳафтаи шаҳид, ки бо ёдбуди Аҳмадшоҳи Масъуд оғоз ёфт, ҳафт нафар кушта ва беш аз бист тани дигари захмӣ шуданд. Ҳашмат Станакзай, сухангӯи пулис Кобул гуфт, ҳамлавари маргталаб пас аз зуҳри 9-уми сентябр худро байни корвони гаштзании ҳафтаи шаҳид тарконд ва талафот ба ҷо гузошт. Нусрат Раҳимӣ, муовини сухангӯи Вазорати умури дохилии Афғонистон мегӯяд, дар натиҷаи оташкушоии афроди мусаллаҳи ғайримасъул дар шаҳри Кобул 13 тани дигар захм бардошта... Читать дальше...

​Дилшод Назаров, варзишгари маъруфи тоҷик, дар Ҷоми байниқитъавии Ассотсиатсияи байналмилалии федератсияҳои варзиши сабук (IAAF Continental Cup) дар шаҳри Остраваи Ҷумҳурии Чех мақоми аввалро касб намуд.

Мухолифини тоҷик дар шаҳри Варшава, пойтахти Лаҳистон, Эъломияи "Паймони миллӣ"-ро имзо кардаанд. Ин санад, ки 9-уми сентябр, дуруст дар рӯзи таҷлил аз 27-умин солгарди истиқлоли Тоҷикистон, тасвиб шуд, роҳро барои ташкили Эътилофи нирӯҳои мухолифин боз кард. Санадро намояндагони чаҳор созмони мухолифин дар хориҷа, ки ҳизби феълан дар Тоҷикистон мамнӯи наҳзати исломӣ низ шомилаш ҳаст, имзо гузоштанд. Ташаббускорон гуфтанд, ки эътилоф марбут ба чаҳор созмони имзокунанда нест. Онҳо гуфтанд, дар... Читать дальше...

Тими Тоҷикистон дар Бозиҳои сеюми ҷаҳонии қабилаҳо, World Nomad Games, ки аз 1 то 8 сентябр дар Чолпонотаи Қирғизистон баргузор шуданд, 5 медал - 1 тилло, 2 нуқра, 2 биринҷӣ ба даст овард

Дар ҳамла ба қароргоҳи Ҳизби демократии Курдистони Эрон дар Ироқ ба камияш 11 узви ин ҳизб кушта шудааст. Ҳамла рӯзи 8-уми сентябр анҷом шуд. Ҳизби демократии Курдистони Эрон рӯзи шанбе ба хабаргузории Фаронса гуфтааст, ин ҳамла ҳангоми баргузории ҷаласаи кумитаи марказӣ сурат гирифт. Комрон Аббос, раиси шифохонае дар Курдистони Ироқ гуфтаст, дар натиҷаи партоби мушак 30 узви дигари Ҳизби демократии Курдистони Эрон захмӣ шудаанд. Ҳизби демократии Курдистони Эрон дар "Твиттер" навиштааст, Теҳрон... Читать дальше...

Ба макони дигар кӯч додани мусофирбару таксиҳо аз терминали ноҳияи Восеъ сабаби норизоиятии ронандагон ва мусофирон шудааст.

Профессор Шодихон Юсуфбеков, раиси Пажӯҳишгоҳи илмҳои гуманитарии Академияи улуми Тоҷикистон, рӯзи 9-уми сентябр дар 56-солагӣ даргузашт. Юсуфбеков аз соли 2000-ум раёсати Пажӯҳишгоҳи илмҳои гуманитарӣ ё башариро бар уҳда дошт. Ӯ яке аз муҳаққиқони забонҳои помирӣ буд.  Шодихон Юсуфбеков муаллифи "Грамматикаи забонҳои помирӣ" буда, дар чандин нишастҳои дохилу хориҷи кишвар дар бораи "помиршиносӣ" суханронӣ кардааст. Ӯ ҳамчунин муаллифи китоби сеҷилдаи "Забони санглечӣ" аст. Ҷилди аввали ин китоб ба забони русӣ чоп шудааст. Читать дальше...

Мақомоти Вазорати корҳои дохилии Тоҷикистон гуфтанд, ки сокинони вилояти мухтори куҳистони Бадахшон тайи тақрибан як моҳи охир 39 силоҳи оташфишонро ихтиёрӣ ба нирӯҳои пулису амниятӣ супурдаанд.

Мақомоти Вазорати корҳои дохилии Тоҷикистон гуфтанд, ки сокинони вилояти мухтори куҳистони Бадахшон тайи тақрибан як моҳи охир 39 силоҳи оташфишонро ихтиёрӣ ба нирӯҳои пулису амниятӣ супурдаанд.

Майк Помпео, сардори Департаменти давлатии Амрико, хостори рушди равобити Вашингтону Душанбе шуд. Ӯ рӯзи 8-уми сентябр дар як изҳороти расмӣ аз номи худ ва мардуми Амрико сокинони Тоҷикистонро ба ҷашни 27-умин солгарди истиқлоли кишвар табрик кард ва гуфт, Иёлоти Муттаҳида дар оянда низ барои субот ва пешрафти Тоҷикистон сармоягузорӣ хоҳад намуд. Помпео гуфт, дар 27 соли гузашта Амрикову Тоҷикистон якҷо барои пайвандӣ ва амнияти минтақа кор карданд. Вай афзуд, ду тараф ба рушди равобити фарҳангӣ ва мардум идома хоҳанд дод. Читать дальше...

Туркманистон як маркази бузурги тавлиди барқро ифтитоҳ кард, ки барои Афғонистону Покистон се миллион киловатт соат барқ содир мекунад. Ин марказ, ки дар онҷо газро ба барқ табдил медиҳанд, рӯзи 8-уми сентябр дар наздикии шаҳри Марви Туркманистон ифтитоҳ ёфт. Афғонистон дар баъзе аз минтақаҳои шимол ва шимоли ғарбиаш ба барқи воридотӣ аз Туркманистон такя мекунад.

Ҳазорон нафар бо роҳпаймоӣ дар Порис хостори бардошта шудани қадамҳои фаврӣ барои мубориза бо тағйироти иқлимӣ шуданд. Яке аз роҳпаймоён рӯзи 8-уми сентябр гуфт, “умед дорам, ин гирдиҳамоӣ сатҳи огоҳиро боло бибарад ва давлат ҳам бидонад, ки чи чизе дар хатар аст ва воқеан иқдом кунад.” Фаъолон хостори баргузории роҳпаймоии густарда ба хотири ҳимоят аз мубориза бо тағйироти иқлимӣ дар сартосари ҷаҳон шуданд. Қарор аст, нишасти иқлимӣ ҳафтаи оянда дар Сан-Франсискои Амрико баргузор шавад. Доналд Трамп... Читать дальше...

Аниса Иброҳимова, сокини 17-солаи шаҳри Душанбе, гуфт, ки баъди озори лафзии як тоҷири бозор қарор кард ин таҳқирро ором фурӯ набарад. Бар асоси шикояти ӯ ба пулис, як ҷавони тарбузфурӯш ба 5 рӯзи ҳабс маҳкум шуд.

Аниса Иброҳимова, сокини 17-солаи шаҳри Душанбе, гуфт, ки баъди озори лафзии як тоҷири бозор қарор кард ин таҳқирро ором фурӯ набарад. Бар асоси шикояти ӯ ба пулис, як ҷавони тарбузфурӯш ба 5 рӯзи ҳабс маҳкум шуд.

​Дастаи “Истиқлол”-и Душанбе, ки дар бозии ҷавобии чорякниҳоии Ҷоми Тоҷикистон оид ба футбол бар тими «Локомотив-Помир»-и Душанбе бо ҳисоби 6:0 пирӯз шуд, ба даври ниманиҳоӣ роҳ ёфт.

Аз эълони истиқлоли Тоҷикистон 27 сол гузашт. Эъломияи истиқлоли давлатӣ рӯзи 9-уми сентяби 1991 дар нишасти ғайринавбатии Шӯрои Олии Ҷумҳурии сотсиалистии Тоҷикистон қабул шуда буд. Зери ин санад раиси вақти Шӯрои Олӣ ва иҷрокунандаи вазифаи раиси ҷумҳур Қадриддин Аслонов имзо гузошт. Мақомоти Тоҷикистон мегӯянд, барои таҷлил аз 27-умин солгарди истиқлол барномаҳои мухталиф дар гӯшаву канори кишвар дар назар гирифта шудааст. Аммо барномаи аслии ҷашн шоми 9-уми сентябр дар “Наврӯзгоҳ”-и пойтахт баргузор мешавад. Читать дальше...