Новости за 01.09.2018

Марзбонони турк дар сарҳади Гурҷистону Туркия занеро ошкор карданд, ки мехост дар дохили ҷомадони як шаҳрванди Гурҷистон вориди Туркия шавад. Марду зан боздошт шудаанд

Додгоҳи ноҳияи Жуковский қарор кардааст, ки Давлатқадам Давлатқадамов, ҷавони тоҷики муттаҳам ба авбошӣ дар ҳавопаймои Маскав – Душанбе то 29-уми сентябр дар боздошт бимонад.

​Дастаи мунтахаби футболи ҷавонони зери 21-солаи Тоҷикистон имрӯз, 1-уми сентябр, барои ширкат дар мусобиқаи байналмилалӣ, ки аз 4-ум то 8-уми сентябр дар шаҳри Кунмини Чин баргузор мешавад, сафар кард.

Гуруҳи 210-нафарии ҳоҷиёни тоҷик рӯзи 1-уми сентябр тавассути ҳавопаймои "Тоҷик Эйр" аз шаҳри Мадинаи Арабистони Саудӣ ба Душанбе омад. Мақомоти Кумитаи дин, танзими анъана ва ҷашну маросими Тоҷикистон гуфтанд, ки бозгашти нахустин гуруҳи ҳоҷиён шоми 31-уми август ба Хуҷанд сурат гирифта буд. Ин маърака то ду ҳафтаи дигар идома хоҳад кард.  Дар фурудгоҳи байналмилалии Душанбе ҳоҷиёни тоҷикро намояндагони Кумитаи дин ва пайвандон пешвоз гирифтанд.  Имсол барои адои ҳаҷ ба Саудӣ беш аз шаш ҳазор нафар рафтааст. Читать дальше...

Умед Ҳасанбеков, паҳлавони тоҷик, дар мусобиқаи самбо аз рӯи барномаи Бозиҳои XVIII тобистонаи осиёӣ, ки дар шаҳри Ҷакартаи Индонезия баргузор шуд, медали нуқра ва гуштигири дигари тоҷик Комроншоҳи Устопириён медали биринҷӣ гирифтанд.

Президенти Беларус Александр Лукашенко ваъда дод, ки тағйироти кадриро дар ҳукумат идома медиҳад. Ин тағийрот дар миёнаҳои моҳи августи имсол шуруъ шуд. Хабаргузории БелТА аз қавли Лукашенко навишт, яке аз сабабҳои барканорӣ дар ҳукумат мубориза бо бадмастист. Ба иттилои манбаъ, Лукашенко рӯзи 31-уми август гуфтааст, гап задан дар ин маврид барояш хиҷолатовар аст. Ва ҳамзамон афзудааст, боз чанде аз вазиронро бо ҳамин далел барканор хоҳад кард, “чун онҳо ҳанӯз намедонанд, ки дар куҷо кор мекунанд”. Читать дальше...

Абубакр Азизхоҷаев, соҳибкори тоҷик, баъди давраи адои ҷазояш аз зиндон озод шудааст. Ин соҳибкори тоҷик тобистони соли 2016 бо ҷурми “барангехтани кинаву адовати миллӣ, нажодӣ, маҳалгароӣ ва ё динӣ” ба дуним соли зиндон маҳкум шуда буд.

Каромат Содиқова, молики ширкати “Азия-тур” ва шаҳрвнади Тоҷикистон, ки дар оғози имсол бо даъвои як соҳибкори чинӣ аз тарафи Оҷонсии зиддифасоди кишвар боздошт шуда буд, ба 8 соли зиндон маҳкум гардидааст.

Амрико ба Сурияву Русия ҳушдор дод, ки ҳамагуна ҳамлаи низомиро дар Идлиб – охирин минтақаи зери назорати шӯришиён – “як талош ба хотири густариши ҷанги ҳафтсолаи дохилӣ дар он кишвар” ҳисоб хоҳад кард. Ин ҳушдор аз забони Майк Помпео, вазири умури хориҷии Амрико рӯзи 31-уми август садо дод. Он рӯз шӯришиён дар Идлиб, дар наздикии марз бо Туркия, пулҳоро тарконда ва барои ҳамлаи бузурги ҳукумати Сурия сангар сохтанд. Режими Сурия ба раҳбарии Башор Асад ва ҳомии он Русия эълон карданд, ки ба зудӣ як ҳамларо дар ин минтақа шуруъ мекунанд. Читать дальше...

Умед Ҳасанбеков, паҳлавони тоҷик, дар мусобиқаи самбо аз рӯи барномаи Бозиҳои XVIII тобистонаи осиёӣ, ки дар шаҳри Ҷакартаи Индонезия ҷараён дорад, барои медали тилло ва гуштигири дигари тоҷик Комроншоҳи Устопириён барои медали биринҷӣ мубориза мебаранд.

Амрико эълон кард, кумаки молии худро ба як идораи Созмони Милали Муттаҳид, ки масъули ёрӣ ба муҳоҷирони фаластинӣ мебошад, қатъ мекунад. Ҳизер Нойерт, сухангӯи Департаменти давлатии Амрико шоми 31-уми август гуфт, дар тарзи кор ва истифодаи молии ин идора “холигоҳҳои зиёди амалӣ вуҷуд дорад”. Ӯ афзуд, Амрико бо диққат ин мавзуъро баррасӣ карда ва ба ин натиҷа расид, ки дигар ба ин идора кумаки бештар накунад. Ин идораи Созмони Милали Муттаҳид барои муҳоҷирони фаластинӣ хадамот муҳайё мекард. Читать дальше...

Пулиси Ҳолланд гуфт, ки қазияи ҳамла ба ду нафарро дар истгоҳи роҳи оҳани Амстердам ҳамчун ҳодисаи террористӣ баррасӣ мекунад. Ҳамлаваре, ки бо корд ду нафарро захмӣ кард ва баъдан аз тарафи пулис ҳадафи тир қарор гирифт, ҷавони 19-солаи афғон мебошад, ки иҷозаи иқомат дар Олмонро дорад. Пулиси Ҳолланд мегӯяд, ҷабрдидаҳо захмӣ шадид доранд ва ба бемористон бурда шудаанд. Сухангӯи пулиси Ҳолланд гуфт, онҳо ин воқеаро ҳамчун як қазияи бисёр ҷиддӣ, яъне ҳамчун ҳамлаи террористӣ таҳқиқ мекунанд.... Читать дальше...

Бино ба як пешниҳоди раиси ҷумҳури Тоҷикистон, духтури дандон, корманди кошонаи ҳусн ва сартароше, ки боиси ба бемориҳои сироятӣ печидани сокинон шудааст, ба ҷавобгарии ҷиноӣ кашида хоҳад шуд.

Бино ба як пешниҳоди раиси ҷумҳури Тоҷикистон, духтури дандон, корманди кошонаи ҳусн ва сартароше, ки боиси ба бемориҳои сироятӣ печидани сокинон шудааст, ба ҷавобгарии ҷиноӣ кашида хоҳад шуд.

Бархе аз сокинони шаҳри Душанбе гуфтанд, ки танқид аз якдигар ё ифшои камбуди мақомот ба нафъи кор аст, агар он дӯстона ва бо далел бошад. “Дар замони Шӯравӣ мегуфтанд, ки танқид меваи коммунизм аст. Танқид бошад, ҳамаи мушкил ва камбуд зуд бартараф мешавад”, - гуфт яке аз ҳамсуҳбатон. Баъзеи дигар мегӯянд, чанд сол боз мардум ба таъриф ончунон одат кардааст, ки ҳамагуна танқид барояшон сахт мерасад. Шумо чӣ фикр мекунед: Танқид бошад ё набошад?