Баъди "бузбозӣ"... Муҷассамаи бузро дар Муъминобод канданд
Ҳукумати ноҳияи Мӯъминободи вилояти Хатлон ба сабаби норозигии сокинони як маҳалла "Муҷассамаи буз" - рамзи табиати зебои ноҳияро барканд. Муҷассамаи бузи кӯҳиро, ки тақрибан як километр дуртар аз қароргоҳи ҳукумати Мӯъминобод ҷойгир буд, чаҳор сол пеш дар маҳаллаи ба номи Абдулло Давлатов гузоштанд. Барои сохтану гузоштани муҷассама 10 ҳазор сомонӣ сарф шудааст.