Олмон эълони иттиҳом алайҳи Шоҳурдиро таҳқиқ мекунад
Додситони Олмон заминаҳои ҳуқуқии тасмимеро баррасӣ мекунад, ки оё метавонад алайҳи рӯҳонии шинохтаи Эрон, раиси пешини қувваи қазоӣ, ки барои табобат дар Олмон қарор дорад ва қарор аст рӯзи 11 январ ба Теҳрон баргардад, иттиҳом пеш гузорад.
Сухангӯи дафтари додситон гуфт, мақомот ҷамбаҳои қонуниеро меомӯзанд то муаян кунанд, ки Оятуллоҳ Маҳмуд Ҳошимӣ Шоҳрудӣ дар даҳсолаҳои фаъолияташ ҳамчун раҳбари қувваи қазоии Эрон, ки дар ин муддат то 2000 инсон эъдом шуд, дар ҷинояти алайҳи башарият даст дорад ё хайр.
Ҳафтаи равон Олмон ду арзиаи шикояти алайҳи Шоҳрудиро, ки аз ҷойгузинҳои Раҳбари Олии Эрон Оятуллоҳ Алӣ Хоманеӣ номбар мешавад, сабт кард. Як аризаро қонунгузори пешин аз Ҳизби Сабзи Олмон Фолкер Бек ворид кард, аризаи дуюмро гурӯҳи эронии дар табъид - Шӯрои муқовимати Эрон пеш гузошт. Ин гурӯҳи мухолифин рӯзи 10 январ аз Олмон даъват кард, ки оҷилан амри боздошти Шоҳрудиро содир кунад ва нагузорад, ки ӯ аз шаҳри Ҳанновер, макони табобаташ, берун равад. Ба гуфтаи ин гурӯҳ, ҳукумати Эрон барои бозгашти Шоҳрудӣ ва ҳамроҳонаш ба Теҳрон, ба рӯзи 11 январ ҳафт билет фармоиш додааст.