Новости за 04.01.2018

Ҳерберт Макмастер, мушовири амниятии Кохи Сафед мегӯяд, сабру таҳаммули Доналд Трамп, раиси ҷумҳури Амрико аз амалкард ва рафтори Покистон ба поён расидааст.

Ҳерберт Макмастер мушовири амнияти милли Кохи Сафед дар сӯҳбат бо хабарнигори Садои Амрико аз Покистон хост, ҳимоят аз гурӯҳҳои террористиро хотима диҳад. Ӯ аввал дар бораи паёми Доналд Трамп сӯҳбат кард, ки гуфт, Покистон аз Амрико пул мегирад, вале Иёлоти Муттаҳидаро фиреб медиҳад.

Вакилони президенти ИМА Доналд Трамп аз Майкл Волфф, муаллифи китоби "Оташ ва хашм: дар дохили Кохи сафеди Доналд Трамп" ва нашриёти Henry Holt and Co., ки мехоҳад китобро барои фурӯш нашр кунад, талаб карданд, ки аз чопи ин китоб оҷилан даст кашанд. Дар ин бора нашрияи Washington Post рӯзи 4 январ хабар дод. "Оташ ва Хашм" аз соли аввали раёсати Доналд Трамп ва робита начандон содаи кормандони маъмурияти Кохи сафед ҳикоят мекунад. Муаллифи китоб сӯҳбати дастикам 200 нафарро истифода кардааст, ки замоне ва ба гунае бо Трамп ҳамкор буданд. Читать дальше...

Чанд соат пеш аз қисман баста шудани Viber як масъули Хадамоти алоқаи Тоҷикистон дар сӯҳбат бо Радиои Озодӣ тасмими баста шудани хадамоти NGN-ро шарҳ дод ва гуфт, бо сабаби мушкил дар кори ширкатҳои мухобиротӣ ин хадамот масдуд шуд.

Пулиси Қирғизистон сӯхтор дар Калисои Баптистиро, ки гуфта мешавад шояд ҳамлаи ҳадафмандона бошад, таҳқиқ мекунад.  Сталбек Усубакунов, сухангӯи пулиси маҳаллӣ дар шаҳри Тон рӯзи 4 январ ба Радиои Озодӣ гуфт, ки сӯхтор шаби гузашта ба вуқӯъ пайваст ва касе дар он осеб надид. Сухангӯи пулис ба далели идома доштани таҳқиқот аз ироаи ҷузъиёти бештар худдорӣ кард. Раҳбари Калисои Масеҳиёни Инҷилии Қирғизистон Александ Шумилин ба Радиои Озодӣ гуфт, ки ба маълумоти ӯ ба тирезаи калисо "коктейли Молотов" партоб шудааст. Читать дальше...

Корбарони барномаи Viber дар дохили Тоҷикистон аз қисман масдуд шудани имкони истифодаи ин паёмрасони маъруф аз ҷониби муштариёнашон дар дохили кишвар хабар доданд. Муштариёни ин паёмрасон гуфтанд, ки танҳо имкони ирсоли паёмҳои хаттӣ ё СМС-ро тариқи Viber доранд, вале имкони сӯҳбат кардану фиристодани медиафайлҳо, назири аксу аудио ва видео дигар вуҷуд надорад. Дар бораи вуҷуди чунин мушкил нахуст оҷонсии “Азия-Плюс” хабар дод. Бархе муштариёни Viber дар беруни Тоҷикистон ба Радиои Озодӣ гуфтанд... Читать дальше...

Мақомоти Латвия хабарнигори шабакаи ВГТРК- и Русия Олга Курлаеваро аз кишвар хориҷ карданд. Дар ин бора рӯзи панҷшанбе телевизиони "Россия-24" хабар дод. Ба гуфтаи ин шабака, Рига буду боши Курлаеваро дар қаламрави Латвия таҳдид ба амнияти миллӣ арзёбӣ мекунад. Рӯзи гузашта Латвия ҳамсари Курлаева, хабарнигори "ТВ Центр" Анатолий Курлаевро аз аз қаламраваш хориҷ кард. Раҳбарияти шабакаи "ТВ Центр"  мегӯянд, ки Курлаев бо сафари хусусӣ дар Латвия қарор дошт. Худи хабарнигор амали мақомоти Латвияро... Читать дальше...

Мақомоти тоҷик мегӯянд, дар сӯхтори анбори пойфазол дар вилояти Новосибирск ҳеҷ шаҳрванди Тоҷикистон осеб надидааст. Қаблан расонаҳои русӣ иттилоъ доданд, ки соати 9 ба вақти маҳаллӣ бар асари сӯхтор дар анбори пойафзол даҳ нафар ҳалок шудааст. Иброҳим Аҳмадов, сухангӯи намояндагии Вазорати меҳнати Тоҷикистон дар Русиярӯзи 4-уми январ ба Радиои Озодӣ гуфт, ки ягон нафар аз муҳоҷирони тоҷик дар ин сӯхтор осеб надидааст. “Вақте ин хабарҳо дар матбуот пайдо шуд ва гуфтанд, шаҳрвандони Тоҷикистон ҳалок шудаанд, мо аз паяш шудем. Читать дальше...

Дилноза Каримова, овозхоне, ки баъди талошҳои думоҳа барои наҷоти ҷони фарзандаш шаби 31 декабр Диёрбеки шашсоларо аз даст дод, аз мардуми тоҷик ва ҳамаи афроди хайрхоҳ барои пуштибониашон дар рӯзҳои сахт изҳори сипос кард.

Сарраёсати нерӯҳои марзбонии Тоҷикистон ба Шаҳбол Мирзоев, сарбози нерӯҳои марзбонӣ, ки соли 2014 дар артиш маъюб шуда буд, дар ҳаҷми  40 ҳазор сомонӣ зарари маънавию моддӣ пардохт кард. Аммо наздикони Шаҳбол мегӯянд, ки аз ин маблағ розӣ нестанд ва дубора шикоят хоҳанд бурд. Дафтари матбуоти Сараёсати сарҳадбонии Тоҷикистон рӯзи 3-юми январ ба Радиои Озодӣ гуфт, дар авохири моҳи гузашта аз тариқи "Амонатбонк" маблағи зарари маънавӣ ва моддӣ, ки маҷмӯан 40 ҳазор сомониро, ки додгоҳ қарор кард, ба Шаҳбол фиристоданд. Читать дальше...

Вазири хориҷаи Олмон пешниҳод кард, ки дар остонаи интихоботи президентии моҳи марти Русия дар шарқи Украина  ҳайати посдорони сулҳи СММ истиқрор шавад. Сигмар Габриел баъди сӯҳбат бо вазири хориҷаи Украина Павло Климкин дар як нишасти хабарӣ дар шаҳри Киев рӯзи 3 январ гуфт, ки истиқрори чунин нирӯҳо ба хотири таъмини амният ва тамомияти арзии Украина хеле муҳим хоҳад буд. Вай гуфт: “Истиқрори ҳайати посдорони сулҳи мусаллаҳ, ки битавонад оташбасро дар тамоми шарқи Украина таъмин кунад, як роҳҳали оқилона буда метавонад. Читать дальше...

Як сол пеш дар ин вақт мардум аз бориши зиёди барф ва сардии шадид сӯҳбат мекарданд , вале ҳоло дар бештар аз манотиқи Тоҷикистон ҳароратсанҷҳо то 20 дараҷа гарм нишон медиҳанд.

Ширкати ҳавоии Узбекистон мехоҳад Бухорову Самарқандро бо Душанбе пайваст кунад, Дилноза Каримова мегӯяд, беморӣ ва марги писараш ба ӯ меҳру шафқат ва эҳсоси ҳамдардиро омӯхтааст, нигаронӣ аз ҳавои гарми зимистони имсола ва матолиби дигар.

Гуфтгӯи Радиои Озодӣ бо Комроншоҳи Устопириён, паҳлавони номдори тоҷик.

Гуфтугӯи Радиои Озодӣ бо Усто Устопиров, падар ва мураббии паҳлавони номдори тоҷик Комроншоҳ Устопириён.

Ирина Ноздровская, ҳомии ҳуқуқи башари Украина аз чандин зарбаи корд, ё асбоби бурранда ба ҳалокат расидааст. Дар ин бора хабаргузории УНИАН рӯзи 4 январ бо такя ба сухангӯи дафтари пулиси миллии Украина Николай Жукович гузориш дод. Ба ин тартиб сухан дар бораи марги маҷбурӣ аст, - гуфт Жукович.  Ба гуфтаи Жукович, пизишки қонунӣ далели таҷовуз шудани Ноздровскаяро тасдиқ накард.  Қаблан муовини аввали вазири дохилии Украина Серегей Яровой ба пулис дастур дод, ки барои таҳқиқи қазияи марги ҳомии ҳуқуқ ситоди ҳамоҳангсоз таъсис диҳад. Читать дальше...

Комроншоҳи Устопириён, паҳлавони номдори тоҷик, пас аз табобати қабурғаҳояш дар як шифохона дар Олмон ба Тоҷикистон баргашт ва аз ибтидои соли нав ба давидан шуруъ кард.

Дилноза Каримова, овозхоне, ки баъди талошҳои думоҳа барои наҷоти ҷони фарзандаш шаби 31 декабр Диёрбеки шашсоларо аз даст дод, аз мардуми тоҷик ва ҳамаи афроди хайрхоҳ барои пуштибониашон дар рӯзҳои сахт изҳори сипос кард.

Дилноза Каримова, овозхоне, ки баъди талошҳои думоҳа барои наҷоти ҷони фарзандаш шаби 31 декабр Диёрбеки шашсоларо аз даст дод, аз мардуми тоҷик ва ҳамаи афроди хайрхоҳ барои пуштибониашон дар рӯзҳои сахт изҳори сипос кард.

Ҳомии ҳуқуқи башар ва барандаи ҷоизаи сулҳи  Нобел Ширин Ибодӣ аз эрониҳои саросари кишвар даъват кард, ки дар эътрозҳои зиддиҳукуматӣ  иштирок кунанд. Дар ин бора хабаргузории Reuters рӯзи 4 январ бо такя ба сӯҳбати Ибодӣ бо нашрияи  "Ашшарқ ал-Аусат" хабар дод. Ба гуфтаи Ибодӣ, Қонуни асосии  Эрон шаҳрвандонро аз ҳаққи эътироз бархурдор кардааст, бинобар ин онҳо бояд дар кӯчаҳо бимонанд. Барандаи ҷоизаи Нобел ҳамчунин аз ҳамватанонаш даъват кард, ки молиёт насупоранд, аз падохти хизматҳои коммуналӣ даст бикашанд... Читать дальше...

Сухангӯи Кохи сафеди ИМА Сара Сандерс рӯзи гузашта аз изҳороти президенти кишвараш Доналд Трамп дар бораи роҳбари Куриёи Шимолӣ Ким Чен Ин ва доштани тугмаи ҳастаӣ ҳимоят кард. Ба гуфтаи Сандерс, Кохи сафед ба сиҳатии равонии роҳбари Куриёи Шимолӣ шубҳа доранд. Сандерс дақиқан нагуфт, ки дар чӣ асос ҳукумати ИМА нисбати сиҳатии равонии Ким Чен Ин шубҳа кардааст. Сухангӯи Кохи сафед гуфт, Трамп ваъдаҳояшро иҷро ва мардуми Амрикоро ҳимоят мекунад. Ахиран президенти ИМА ба табрикоти солинавии роҳбари Куриёи Шимолӣ посух дод. Читать дальше...

Зиндониҳои собиқи маҳбстҳои Узбакистон, ки бо ҷурми узвият дар гуруҳҳои мазҳабӣ солҳоро дар паси панҷара сипарӣ карда, соли гузашта озод шуданд, барои сайёҳати дурӯза ба Самарқанд рафтанд. Дар ин бора маркази матбуотии Идораи маънавии мусалмонони Узбакистон хабар дод. Ба иттилои ин ниҳод, зиндониёни пешин маҷмааи ёдгории "Ал-Бухорӣ", инчунин қабри президенти пешини Узбакистонн Ислом Каримовро зиёрат карданд. Моҳи декабри соли 2017 президенти Узбакистон Шавкат Мирзиёев 2700 зиндониро дар остонаи 25-солагии Қонуни асоии ин кишвар афв кард. Читать дальше...

Бар асари сӯхтор дар корхонаи истеҳсоли пойафзоли вилояти Новосибирск 10 коргари анбор ва бахши тавлиди кафш ба ҳалокат расид. Сӯхтор рӯзи 4 январ дар шаҳраки Чернореченск ба вуқӯъ пайваст. Як манбаъ дар ситоди оҷили макони ҳодиса ба хабаргузории "Интерфакс" гуфт, ки ҳамаи ҳалокшудаҳо шаҳрвандони Чин буданд. Сӯхтор соати 9-и саҳар дар бинои анбормонанди ҳудудан 2 ҳазор метри мурабаъ сар зада, маводи хоми истеҳсолӣ ва кафшҳои омодаро ба коми худ кашид. Ба гуфтаи сокинон, аз ҷойи ҳодиса дуди ғализи заҳролуд балан мешуд. Читать дальше...

Дар як пурсиши сарироҳӣ хабарнигорони Радиои Озодӣ аз сокинони пойтахти Тоҷикистон пурсиданд, ки телефони ҳушманди кадом ширкат барояшон писанд аст ва чаро?

Додгоҳи вилояти Хатлон панҷ нафарро барои оташ задани хонаи Тоҷиддин Қурбониён, додраси додгоҳи Панҷ аз 5 то 9 сол ва ду нафарро барои хабар надодан аз ин ҷиноят мутаносибан ба мӯҳлати шаш моҳӣ аз озодӣ маҳрум кард.