Kina nuk raporton asnjë rast të ri me koronavirus

Kina nuk ka regjistruar asnjë rast të ri me koronavirus në 24 orët e fundit.

Kjo është hera e parë që në këtë shtet – ku u shënuan rastet e para me koronavirus në dhjetor – që nuk regjistrohet asnjë rast i ri me sëmundjen COVID-19.

Komisioni Shtetëror Shëndetësor gjithashtu ka njoftuar se në 24 orët e fundit nuk është shënuar asnjë viktimë nga COVID-19, sëmundja që shkakton koronavirusi.

Që prej se rastet e para u raportuan në qytetin kinez të Vuhanit, mbi pesë milionë persona në mbarë botën janë infektuar me koronavirus dhe 338,000 kanë vdekur.

Kina ka raportuar për mbi 84,000 raste me koronavirus dhe 4,600 të vdekur. Megjithatë, autoritetet kineze vendosën masa të ashpra të izolimit në Vuhan dhe në mbarë provincën Hubei për të penguar përhapjen e mëtejme të koronavirusit.

Organizata Botërore e Shëndetësisë ka deklaruar të premten se Amerika Jugore tani është “epiqendra e re” e pandemisë së koronavirusit, ku shtetet më të goditura në këtë rajon janë Brazili dhe Meksika.