د جرمني یوې محکمې یوه پوځي ته د شخصي وسلې د جواز ورکړه رد کړې
اسوشېټېډپرېس خبري اژانس پرون چهارشنبه د محکمې د پرېکړه خبر ورکړی دی.
د جرمني دغه پوځي ویلي، په افغانستان کې د دندې له کبله یې ژوند ته د جهادي ډلو له خوا ګواښ پېښ دی، خو محکمې ویلي، دا ګواښ دا نه ایجابوي چې د پوځ دغه غړي ته دې د وسلې جواز ورکړل شي.
د جرمني دغې محکمې ویلي، که چېرته کوم پوځي په واقعي ډول د ګواښ احساس کوي د شخصي وسلې جواز ورکوي، خو دوی زیاته کړې د ځانګړو ځواکونو دغه غړي چې افغانستان کې کار کړی، د ګواښ پوره شواهد نه دي وړاندې کړي.
اسوشېټېډپرېس خبري اژانس لیکلي، د ناټو د شل کلن پوځي ماموریت پر مهال ۱۵۰ زرو جرمني سرتېرو افغانستان کې دنده ترسره کړې ده.