د ترکیې حکومت: خپلسري سوري کډوال دې له استانبول څخه ووځي

د ترکیې د استانبول ښار د والي دفتر د سوریې هغو پناه غوښتونکو ته، چې په دې ښار کې نه دي ثبت شوي، له ۲ میاشتو لږ مهلت ورکړی څو هغو سیمو ته ستانه شي چې لومړی ځل یې نومونه پکې ثبت شوي دي. 


د والي د دفتر پر رسمي ویبپاڼه په خپاره شوې بیان کې په نورو ښارونو کې د سوریې ثبت شوي وګړو ته د سپټمبر تر ۲۴مې پورې مهلت ورکړی، چې له استانبول څخه ووځي او خپلو لومړنیو سیمو ته ستانه شي. 


د سوریې له کورنۍ جګړې تښتېدلي میلیونونه سوریايي کډوال د ترکیې په بېلابېلو برخو، په تېره په سرحدي ښارونو کې اوسېږي. 


له استانبول څخه په ۲۰۱۹ کال کې هم د یوه ورته کمپاین په ترڅ کې زرګونه سوریايي کډوال ایستل شوي وو.