طالبانو پر نجونو او مېرمنو د محدوديت په اړه د يوناما راپور رد کړ
یوناما نن په یوه راپور کې چې د روان کال په (مې او جون ) میاشتو کې د بشري حقونو وضعیت ته کتنه پهکې شوې، پر افغان ښځو د لګېدلو محدودیتونو ځینې مثالونه هم وړاندې کړي.
راپور زیاتوي، دغو محدودیتونو د ملګرو ملتونو پر چارو هم اغېز کړی او له تېرو څه باندې دریو میاشتو راهیسې یې له استثنایي کسانو پرته نور کارکوونکي له خپلو کورونو دندې پرمخ بیایي.
بلخوا: د طالبانو د حکومت ویاند ذبیحالله مجاهد پر ټویټر په یوه بیان کې د ملګرو ملتونو راپور له حقیقته لیرې بللی.
مجاهد زیاته کړې:دا راپور یا د هغو کسانو د قول پر بنسټ برابر شوی چې له افغانستانه تښتېدلي او یا په یوناما کې د هغو کسانو په حواله چې د یوناما له نوم څخه ناوړه استفاده کوي.