یوسفزۍ: په نړۍ کې یوازې افغان نجونې له زده کړو بې برخې دي
ملالې چې پرون یې د خپلې کلیزې په مناسبت په نیویارک کې د ملګرو ملتونو یوې غونډې ته خبرې کولې وویل، افغانستان اوسمهال د نړۍ یوازېنی هېواد دی چې نجونې او ښځې یې له زده کړو بې برخې کړي.
طالبانو د ۲۰۲۱ کال په اګست میاشت کې پر افغانستان له واکمنېدو وروسته ډېرژر د نجونو منځني ښوونځي او لېسې او ورپسې پوهنتونونه بند کړل.
د ملالې د کلیزې په غونډه کې د ملګرو ملتونو مرستیالې امینې محمد که څه هم د افغانستان پر وضعیت خبرې ونه کړې، خو د نړۍ پر مشرانو یې غږ وکړ چې هیڅوک باید د تعلیم له حقه بې برخې نه کړي.