د اوکراين پوځ: پر اوديسا د بېپيلوټه الوتکو بريدونو مرګژوبله اړولې
د اوکراین د پوځ عملیاتي قومانداني په فېسبوک کې لیکلي، یوه ډرون الوتکه چې هوایي مدافع ځواکونو ویشتلې پر یوې څو پوړیزه ودانۍ لګېدلې چې د اورلګېدو سبب شوې ده.
راپورونه وایي، دې اور د درې ملکیانو ژوند اخیستی او شپږ ویشت تنه نور یې ټپیان کړي دي.
د اوکراین هوایي ځواکونه همدا راز وایي، روسیې په پنځه دېرش ډرون الوتکو او اته توغندیو پر اوکراین برید وکړ چې له دې ډلې یې په ایران کې جوړې شوې شل بېپیلوټه الوتکې نسکورې کړي دي او دوه بالسټیک توغندي یې هم په هوا کې ویشتلي دي.
د اودیسا سربېره په پولتاوا او خارکیف ښارونو کې هم روسیي ځواکونو یو شمېر سیمې ویشتلې دي.