جوزجان کې د کانګو ناروغۍ له امله يو ډاکتر مړ شوی او ۵ نور پرې اخته شوي

طالبان په جوزجان کې د کانګو ناروغۍ له امله د یوه ډاکتر د مړینې او په دې ناروغۍ د پنځو روغتیایي کارکوونکو د اخته کېدو خبر ورکوي.


کانګو ناروغي په جوزجان کې تېره اوونۍ د دوو تنو نورو ژوند اخیستی و.


داسې راپورونه خپاره شوي چې دا ناروغي په فاریاب او بلخ کې هم خپره شوې، خو تر دې دمه د دې ناروغۍ له امله د مړو شویو کسانو دقیقې شمېرې نه‌دي خپرې شوي.


کانګو یو ډول اخیستونکې ناروغي ده چې د څارویو په پوستکي کې د یوې وړې خزندې له لارې انسانانو ته لېږدي.