د مصنوعي ذهانت په اړه کړنلاره جوړېږي
د متحدو ایالتونو د بهرنیو چارو وزیر انټوني بلېنکن په سوېډن کې د اروپایي ټولنې له چارواکو سره له خبرو وروسته وویل، لوېدیځ شریکان یې د دغې ټکنالوژۍ له راڅرګندېدو سره چې چین یې یو پیاوړی ځواک دی، سخته اړتیا محسوسوي چې په اړه یې فوري اقدام وشي.
بلېنکن خبریالانو ته وویل، د دغې داوطلبانه کړنلارې کودونه به د همفکرو هېوادونو لپاره خلاص وي.
هغه زیاته کړه، هر کله چې نوې ټکنالوژۍ رامنځته کېږي، یوه تشه تل ورسره وي ترڅو چې حکومتونه او ادارې یې د کارولو لپاره قوانین او مقررات وټاکي.
چټ جي پي ټي ChatGPT ته تېر کال د نړیوالو پام وروسته له هغې ډېر واوښت چې په اسانۍ یې په ډېر کم وخت کې د مقالو لیکلو، شعرونو او مکالمو ځانګړې وړتیا په ډاګه کړه.