حنفي: د يوه مفتي دنده يوازې منعه کول نهدي
ښاغلي حنفي د یکشنبې په ورځ په کابل کې یوه سیمینار ته وویل، مفتي باید د بندیزونو ترڅنګ تګلارې هم وړاندې کړي.
ښاغلي حنفي که څه هم د چا نوم نهدی اخیستی، خو د طالبانو د حکومت لهخوا لګول شوي ټول بندیزونه د دوی د مشر ملا هبت الله اخندزاده د فرمانونو پر اساس دي.
تر دې وړاندې د طالبانو د کورنیو چارو سرپرست وزیر سراج الدین حقاني هم ویلي و چې په افغانستان کې وضعیت د منلو نهدی او باید اصلاحات راشي.
د طالبانو بل چارواکي شیرمحمد عباس ستانکزي چې د بهرنیو چارو وزارت مرستیال هم دی پخوا ویلي، د مشرتابه هغه حکمونه واجب دي چې له اسلامي شریعت سره سم وي.