د لوګر چارواکي وسله والو مخالفانو ته د مرګ ژوبلې د اوښتو خبر ورکوي
سمونمل محمد ايوب وردګ نن له ازادي راډيو سره په خبرو کې دا ونه ويل چې د وژل شويو يا ټپي شويو وسله والو مخالفانو دقيق شمېر څو دی.
ده زياته کړه چې د دغو عملياتو پر مهال د کابل- لوګر لویې لارې ته څېرمه سيمې هم د وسله والو له حضوره تصفیه شوي او یو شمېر چاودېدونکي مواد او مهمات هم د امنيتي ځواکونو لاس ته لوېدلي دي.
دا نظامي عملیات له څو ورځو راهيسې د کابل – لوګر د لویې لارې د امنيتي وضعيت د ښه کولو په هدف روان وو.
د دولت وسله والو مخالفانو د دغو عملياتو پر مهال ورته د اوښتو تلفاتو په اړه تر اوسه څه نه دي ويلي.