امریکا پر شمالي کوريا د بنديزونو د دوام غوښتنه کړې
د امريکا د بهرنيو چارو وزير مايک پمپيو چې پرون يې په ملګرو ملتونو کې له خبريالانو سره خبرې کولې وويل چې په سينګاپور کې له سرمشريزې وروسته د امريکا اداره لا هم د غير اټمي کېدو ليدلوريو ته خوشبينه ده.
هغه سرمشريزه تېره مياشت د امريکا د ولسمشر ډونالد ټرامپ او د شمالي کوريا د مشر کيم جونګ اون ترمنځ شوې وه.
ښاغلي پمپيو وويل:
"که بنديزونه نافذ نه وي، د شمالي کوريا د کاميابه غير اټمي کېدلو ليدلوري به کمزوري شي."
تر دې مخکې په ملګرو ملتونو کې د امريکا سفيرې نيکي هيلي پر روسيې او چين انتقاد وکړ.