ЕК: Фејсбук, Гугл, Твитер посилно да се борат со лажните вести за Ковид-19

Две години откако се согласија на саморегулаторниот кодекс за справување со дезинформациите, Фејсбук, Гугл и Твитер и другите технолошки ривали мора да се обидат повеќе за да бидат поефикасни со справување со лажните вести, соопшти денеска Европската комисија (ЕК), јави Ројтерс.

Лажните вести поврзани со Ковид-19 „притиснаа“ социјалните медиуми да бидат поактивни во борбата против ова прашање. Компаниите, вклучително и „Мозила“ и трговските тела за рекламна индустрија, го потпишаа кодот во 2018 година во обид да спречат поголема регулација. Мајкрософт и ТикТок потоа се приклучија на групата.

Фејсбук отстрани 7 милиони објави со лажни вести за Ковид-19

САД: Русија води онлајн операција за дезинформирање за коронавирусот

Сепак, според извештајот на ЕК што на увид го имала новинската агеција Ројтерс, има неколку недостатоци во кодексот по проценката на нејзината прва година во работењето.

„Недостатоците можат да се групираат во четири широки категории: неконзистентна и нецелосна примена на кодот низ платформите и земјите-членки, недостаток на униформни дефиниции, постоење на неколку празнини во покривањето на обврските за кодексот и ограничувања кои се својствени на саморегулаторната природа на кодот “, се вели во извештајот, пренесе Ројтерс.