Кина призна недостатоци во справувањето со коронавирусот
Раководството на Кина објави дека има недостатоци во одговорот на државата на новиот смртоносен респираторен вирус додека бројот на починати во земјата се искачи на 425 лица.
Националната комисија за здравство денеска соопшти дека претходниот имало нови 64 починати и 3 235 нови заболени со што вкупната бројка достигна 20 438. Во меѓувреме и во Хонг Конг едно лице почина од коронавирус. Епидемијата, за која Светската здравствена организација прогласи вонредни мерки, се верува дека избувна во кинеската провинција Хубеи во декември на пазар на кој се продаваа диви животни.
Кинеското политбиро на вчерашниот состанок заклучи дека националното управување во итни ситуации мора да се подобри и најави засилени контроли и затворање на пазарите за диви животни.
Кампања против дезинформациите за коронавирусот