Новости за 30.07.2021

Кайнаган ысыктан өлкөнүн башка аймактарына караганда Чүй өрөөнү, анын ичинде Чүйдө жайгашкан Бишкек катуу жабыркады. Дээрлик 2 айга жакын тоодон суу түшпөй ордо шаардын мураптарынын тынчын алды. Шаардын жетекчилиги алар менен кошулуп өтүк кийип, түнкү сугатка чыккан чак.

Кыргыз-тажик чек арасынын тактала элек тилкесинин 40 чакырымы боюнча тараптар орток пикирге келип, документке кол койгонун  тажикстандык ЖМКлар жазды. Мындай макулдашуу эки тараптын делимитация жана деморкация боюнча өкмөт аралык комиссиясынын акыркы отурумдарында жетишилген. Өкмөттүк комиссиялардын 40 чакырым чек ара боюнча бир пикирге келгенин Министрлер кабинетинин чек ара маселелери боюнча атайын өкүлү Назирбек Бөрүбаев “Азаттыкка” ырастады. Бөрүбаев кыргыз-тажик чек арасын аныктоо боюнча эки тараптуу комиссиянын акыркы отурумдары... Читать дальше...

АКШ өкмөтүнүн бардык федералдык кызматкерлери COVID-19 илдетине каршы эмдөөдөн өтөт. Бул тууралуу Кошмо Штаттардын президенти Жо Байден билдирди. “Федералдык өкмөт – эң ири иш берүүчү жана “дельта” штаммы тарап жаткан шартта Байдендин бул кадамы башка жеке менчик ишканалар менен мекемелерге дагы үлгү болушу мүмкүн”, - деп жазды “Америка абазы”. Ак үйдөгү булактын айтымында, эмдөөдөн баш тарткан федералдык кызматкерлер кызматтан алынбайт. Алар вирус жукпаганын ырастаган тесттерди тапшырып турушу кажет. Читать дальше...

Уурдалып өлтүрүлгөн Айзада Канатбекованын апасы президент Садыр Жапаровго кайрылып, бул окуя боюнча териштирүү солгун жүрүп жатканына арызданды. Маркумдун апасы Назгүл Шакенова Улуттук коопсуздук боюнча мамлекеттик комитеттин (УКМК) жетекчилигине да кайрылганын кошумчалап, "такыр жылыш жок" экенин билдирди: “Биринчи Май райондук сотунда эки айда бир эле процесс болду. Садыр Жапаровго кайрылайын дедим эле. Өзү башында эле айткан көзөмөлгө аларын. Айткан сөзүн аткарса жакшы болот эле. Кызымды уурдаган беш бала да мыйзам алдында жооп берсин. Читать дальше...

Экономика жана финансы министрлиги экономикага өзгөчө кырдаал киргизүү тууралуу мыйзам долбоорун демилгелеп, парламент колдоду. Үчүнчү окууда мыйзам долбооруна 81 депутат "макул", эки депутат "каршы" добуш берди. Ага ылайык, Министрлер кабинети Жогорку Кеңештин макулдугусуз бюджеттин 20 пайызга чейинки киреше жана чыгашасын өз алдынча аныктаганга укук алат. Адистер бул мыйзамдын тобокелчилиги оор болот деп эскертүүдө. 29-июлда Жогорку Кеңештин жыйынында Экономикадагы өзгөчө кырдаалдар чөйрөсүндөгү... Читать дальше...

"Азаттык" радиосунун "Эгемендикти эмне бекемдейт?" аттуу сынагына Асылбек Жоодонбековдон келген материалды сунуштайбыз. 1985-жылы башталган М. Горбачевдун “Кайра куруу” саясаты 1991-жылы расмий эгемендик алышыбызга негиз болду. Өзгөчө алгачкы жылдары элибиз укмуштуудай позитивдүү эмоция жана зор үмүт менен жашады. Легендарлуу парламенттеги ачык талкуулар, көз карандысыздыкты бекемдеген мыйзамдар элдеги дымакты ойготту. Түрдүү идеялар, демилгелер көтөрүлүп, дем менен демократиянын агымына түштүк... Читать дальше...

Алдыдагы парламенттик шайлоодо аял депутаттар аз келип калышы мүмкүн. Жогорку Кеңеш кабыл алган мыйзам долбоорунда аялдардын 30% квотасы сакталганы менен партиялык тизме менен 54 гана депутат шайланат. Ал эми серепчилер бир мандаттуу 36 округдагы шайлоодо аялдар жеңип чыгышы оор экенин айтууда. 28-июлда парламент үч окууда кабыл алган “Президентти жана Жогорку Кеңештин депутаттарын шайлоо жөнүндөгү” мыйзамга ылайык, 90 депутаттын 54ү партиялык тизме менен преференциалдык ыкма аркылуу, 36сы бир мандаттуу округдардан шайланып келет. Читать дальше...

Балбандар 1-августтан тарта күрөшүп баштайт. Учурда грек-рим күрөшүнөн лицензия алган төрт балбан Токиодо машыгуусун улантууда.

Алматыда Кытай консулдугунун алдында Шинжаңдагы жакындарын бошотууну талап кылгандар беш айдан бери нааразылык акциясына чыгышууда. Бирок алардын Кытайда калган туугандарын көрүү кусаматына кулак түргөн киши жок. Үч уулунун боштондугун күткөн эне Мындан үч жыл илгери үч уулу Кытайда камалып, алардын айынан күйөөсү каза болуп, жесир калган 65 жаштагы Калида Акытхан беш айдан бери Алматыдагы Кытай консулдугунун алдын күзөтүп, андагы өзүнө тагдырлаш адамдар менен бирге мөөнөтсүз каршылык акциясына катышып келет. Читать дальше...