Жас кәсіпкер: 20-30 жас арасын бос өткізуге болмайды
НҰР-СҰЛТАН. ҚазАқпарат – Коронавирус індеті өмір салтымызды өзгертіп, құндылықтарымыздың өзгеруіне, жаңа машық қалыптастыруымызға ықпал етті. Елордалық жас кәсіпкер Ерболат Алпысбаев ҚазАқпарат тілшісіне берген сұхбатында карантин уақытында пайдалы іспен айналысқанын айтты. Ол бастаған ісі жүрмей, бизнесі тоқтап қалғанына қарамастан жетістікке жеткен қазақстандықтардың өмір жолын мысалға ала отырып қиындықты қалай еңсеріп, еңсені түсірмеу жолдарын үйрететін кітап шығарған.