ბერშუეთის საჯარო სკოლას სპორტის ახალი დარბაზი ექნება
საქართველოსა და მსოფლიოს სპორტის ვარსკვლავების აქსესუარების აუქციონზე 42 ათასი ლარი შეგროვდა. კამპანიის - „ძლიერები არ ძალადობენ" ინიციატივით, საქველმოქმედო ღონისძიება ფუნიკულიორზე 18 დეკემბერს გაიმართა. მასში სპორტსმენების გარდა მონაწილეობდნენ ქართული ბიზნესკომპანიების წარმომადგენლები. ორგანიზატორებმა სულ ცხრამეტი ლოტი წარმოადგინეს და ცხრამეტივე სარფიანად გაიყიდა. აუქციონიდან მიღებული თანხა მოხმარდება საოკუპაციო ზოლთან მდებარე ბერშუეთის საჯარო სკოლის სპორტის დარბაზის კეთილმოწყობას.