Оьрсийчоьнан футболан тоба аьшнаш яхь - гIуда

Оьрсийчоьнан футболан тоба сийсазъечарна гIуданаш деттар хьехна Пачхьалкхан Думан депутато Милонов Виталийс. Футболан тобанна яппарш ян волалучунна уггар хьалха хаа деза: и клуб йоллу пачхьалкхан юьхь юйла. И тайпа нах "боьха хIуманаш" ю, пачхьалкхана тIе нехаш етташ аьлла Милоновс.


ГIуда итт эзар соьман барамехь хила деза, и текхначул тIаьхьа пиво эца а, чипсаш эца а сом доцуш вуьсур ву стаг. Мухха белахь а, "вайн" бу уьш аьлла депутато.


Маршо Радионо яздира, чемпионат йолаялале хьалхе Пятигорскерчу комико Слепаков Семена ша футболхойх яьккхина забаре йиш Ютюбе яьккхинера. Цуьнан чулацамехь, командан тренер Кадыров хIоттаво, амма хIетте а оьшу тоба.