Новости за 11.06.2018

Маршо Радионо бовзуьйту таханлера боцца хаамаш

Урдунерчу Сухнехь вехачу бизнесхочо ТIахIир Арслана дуьйцу шаьш юрт йилларх, нохчийн бIовн кепехь момсар а хIоттош, динчу маьждигех, дайх дисинарг тIаьхьарчу тIаьхьено Iалашдан дезарх а.

Оьрсийчохь бакъонаш ларъярх лаьцна хIоттийначу резолюци юкъа дипломатин бойкотах долу дакъа дало дагахь бу Европан парламентан депутаташ. Евробертан Iедалан векалшна чемпионате хьовса цабахар хьоьху Европарламенто. Цунах лаьцна хаамбира Маршо Радион Брюсселерчу корреспонденто Йозвяк Рикарда. Хьалхо дуьненан чемпионатна бойкот кхайкхорах дIахьедира турниран еа пачхьалхкан-декхашхочун хьаькамаша. Великобританин премьер-министро Тереза Мэйс хаамбира Зазадоккхучу-баттахь, Солсбери гIалахь ГРУ-н хиллачу эпсарна Скрипаль Сергейна а... Читать дальше...

БIаьрса меттахIоттош бIе сов операци йийр ю Туркойчуьра баьхкинчу лоьраша Нохчийчоьнан бахархошна. "Дуьненчуьра лоьраш" юкъараллан организацино йолийначу проектан гурашкахь болор бу говзанчаша шайн болх. Цул совнах, лоьраша консультацеш а дIахьур ю бахархошлахь. Кху шарахь туркойн делегаци юкъахь бIаьргийн специалисташ хилла ца Iаш, травматолог-ортопед а хир ву. Гуьмсерчу дарбан цIийнехь маьхза тIеоьцур бу лоьраша дархой. Иштта проектца а догIуш, Нохчийчуьра лоьраш кхаьчна Истанбуле а. Туркойн... Читать дальше...

Юкъараллехь цадогIург лелорна дуьхьал пропаганда йолийна ГIалгIайчохь аьлла бу мехкан чоьхьарчу гIуллакхийн министраллан пресс-гIуллакххоша бина хаам. Кху шеран пхеа баттахь Малгобекан кIоштахь кхо меттиг билгалбаьлла кхиазхой сагIа деха юкъаийзош. Бехкзуламан гIуллакхаш прокуратурано листинчул тIаьхьа кхеле хьовсор долуш ду. Мархийн Рамадан баттахь Къилбаседа Кавказерчу мехкашкахь сагIадоьхурш алсамбовлар тидаме эцна Iедалхоша.

Оршотан суьйранна Соьлжа-ГIаларчу Коьртачу маьждигна уллорчу майданахь Ифтар ду дIахьош. Рамаданан 26 - чу буьйсанна нахе марханаш дастийта шаннаш хIиттош ду регионерчу Кадыров Ахьмадан цIарахчу фондо. Муьлххачу а республикан кIошташкарчу бахархойн таро ю масаьрца а цхьана марха даста. Ифтар доладале цхьа сахьт хьалха зуькар дийр ду, Мовлад доьшур ду, Далла хасатамаш беш. Марха даьстинчул тIаьхьа нашидаш олуш, барам кхи дIахьур бу.

Литварчу Вильнюсехь Оьрсийчоьнан векалтна дуьхьал оппозиционеран Немцов Борисан цIарах сквер йиллина, дагалецаман у а тухуш. Вильнюсан гIалин кхеташоно оцу хьокъехь сацам тIеийцира Стигалкъекъа-беттан 23-чу дийнахь. Церемонехь дакъалецира Литван бахархоша а, Керстан демократийн партин векалша а. Литвара Оьрийчоьнан векало Удальцов Александра гIалин Iедалхойн сацам "нийса бац" аьлла. Шайна луъучун цIарах урамаш дахкар Литван чоьхьара гIуллакх ду, амма шена цатовриг - Оьрсийчоьнан векалтна уллохь и сквер еллар аьлла оьрсийн дипломато. Читать дальше...

Гуьржийчоьнан ницкъахоша ПIаьнказахь лерина операци дIахьочу заманчохь вийначу 19 шо долчу Мачаликашвили Темирланан дас Мачаликашвили Малхаза ша резацахилар дIахаийтина, Тбилисехь ах шо хьалха ши кхиазхо вер таллархьама пачхьалкхан парламентехь кхоьллинчу талламан комиссино шен кIентан гIуллакх тесна дитарна. Цо бахарехь, де хьалха "Рустави 2" телекомпанин эфирехь комиссин декъехь волчу  "Европан Гуьржийчоь" оппозицин партин лидере масийтазза хаьттира Мачаликашвилин гIуллакхах. "Шена хаттар ца хезча санна тесна дитира цо. Читать дальше...

Оршотдийнахь Тбилисехь дIахьочу протесташкахь лаьцна виъ стаг, шайлахь акци вовшахтоьхна Куправа Звиад а волуш. Административан къепе йохорна бехкевина Куправа а, цуьнца лецна кхоъ а аьлла, хаамбо ГIуьржичйчоьнан чоьхьарчу гIуллакхийн министраллехь. Куправа дуьхьал хилла полисхойн тIедожар кхочушдан. Руставелин проспектерчу парламентан гIишлонна хьалха машенаш дIасалелачу некъа тIе хIиттинера гуламхоша шайн палаткаш. Хьалха шьаш хиллачу парламентана хьалхарчу майдане дехьаяха палаткаш аьлла, тIедожийнера полицино протестхошка. Читать дальше...

Марха досту де герга мел гIерта а деста юуучун мехаш Нохчийчохь Базаршкахь ду кху деношкахь адам. Iуьрре арабовлий, сарралц кхача хоьржу наха. Иштта дукха адам лаьтта йийбар а, духар а духкучу меттигашкахь – верриг а ву Дезачу Денна кечлуш. Ши кIира гергга хан ю юуучун мехаш лакхадийла доьлла. Уггаре хьалха деста дуьйладелира массо а хIуманал дукха мархин шуьнехь оьшучу котамийн, хасстоьмийн, стоьмийн мехаш. 250 сом бара хьалхо котаман мах, хIинца иза шина-пхеа туьманна бистина. ХIора шарахь а нисло мехаш 200-300% хьаладоьлхуш. Читать дальше...

Нохчийчоьнан лаьмнашкахь экспедици дIахьочу ГIирмерчу "Оьрсийн географин юкъараллана" хьехахь шира кешнаш карийна: ТIерхи, Вилах, Ялхаре, хаамбо Vistanews. Ерриг а карийнарг ю 2-чу а, 4-чу бIешерашкара кхо меттиг. Хьехахь карийна тархаш тIера суьрташ а, беллачийн даьIахкаш, йийбар, мацахлера цIеран дакъош а. Iилманчаша бахарехь, иштта хьехахь хааделла масех маьлхан каш а, царех ах талорхоша дIасакхехьна. Талламчаша дIахьедо, оцу карийначу хIуманаша нохчийн исторех керла  агIонаш йоьллург хиларх.

Назранерчу 29 шо долчу Алиев ИбрехIиман цIийнах хьаьжна, цунна етта а йиттина, иза лаьцна дIавигина полисхоша аьлла, бакъонашларъярхошка хаамбина кIентан шичас. Иза тешна ву, цуьнан хIусамехь карийна боху куьйга йина бомба а, граната а полисхоша тесна ю аьлла. Назранерчу вахархочо Алиев Султана кехаташ кхехьийтина шайн стаг лачкъийна вигарх цхьа могIа бакъонашларъяран организацешка, ишта хаам кхаьчна "Мемориале"а, ГIалгIайчоьнан  омбудсмене а, ницкъаллийн структурашка а, дийцина "Машр" организацин куьйгалхочо Муцольгов Мохьмада. Читать дальше...

Назранерчу 29 шо долчу Алиев ИбрехIиман цIийнах хьаьжна, цунна етта а йиттина, иза лаьцна дIавигина полисхоша аьлла, бакъонашларъярхошка хаамбина кIентан шичас. Иза тешна ву, цуьнан хIусамехь карийна боху куьйга йина бомба а, граната а полисхоша тесна ю аьлла. Назранерчу вахархочо Алиев Султана кехаташ кхехьийтина шайн стаг лачкъийна вигарх цхьа могIа бакъонашларъяран организацешка, ишта хаам кхаьчна "Мемориале"а, ГIалгIайчоьнан  омбудсмене а, ницкъаллийн структурашка а, дийцина "Машр" организацин куьйгалхочо Муцольгов Мохьмада. Читать дальше...

Рамадан баттахь Нохчийчуьрчу 3 эзар вахархочо тоьках тIехьарчийна декхарш дIаделла Кадыров Ахьмадан цIарахчу фондо аьлла, хааме даьккхина мехкан куьйгалхочо Кадыров Рамзана. "Кху мархийн безачу баттахь Кадыров Ахьмадан цIарахчу фондан президентан Кадырова Айманин сацамца миска бохкучу 3000 эзар вахархочун гулделла даккхий декхарш дIаделла", - аьлла куьйгалхочо. Бу царлахь заьIапхой, бобераш, баккхий доьзалш болу хIусамаш а. "Хьенах ахча охьадиллина, муха, хьан хIиттийна таро йоцучийн тептарш хууш дац цхьанна а. Читать дальше...

"Репрессеш, ницкъбар доцчу Оьрсийчоьнехьа" цIе тиллина Москохарчу Сахаровн цIарахчу проспектехь кIирандийнахь Iедалан пурбанца митинг дIаяьхьира оппозиционераша а, бакъонашларъярхоша а. Интерфаксан корреспонденто дийцарехь, митинган декъашхоша резолюци тIеийцира, ницкъаллийн структурашка нахана тIехь Iазап латтор дитар а, политикан бух тIехь чохь латтош болу тутмакъаш маьрша бахар а тIе а дожош. "Оха тIедожадо политикан тутмакхаш, мацалла кхайкхийна Сенцов Олег а, Титиев Аюб а, кхиберш а дIахецар... Читать дальше...

Мисарара футболан тоба Соьлжа-гIала кхачарах хаамбина Нохчийчоьнан куьйгалхочо Кадыров Рамазана кIирандийнахь шен Telegram-каналехь. "Соьлжа-ГIалин аэропортехь делкъанна охьадоьсина Мисаран футболан тоба ялош кема. Футболан фанаташ гIадбаханера Салахь Мухьаммад гIоле веана а, 2018-чу шеран дуьненаюкъарчу чемпионатехь дакъалоцуш хилларна а. Пхи седа болчу The Lokal хьешан цIийнехь дIатарйина тоба. "Ахмат - Арена" стадионехь кечамаш бийр бу цара чемпионатна. Маьрша догIийла Оьрсийчу", - аьлла, яздина Кадыровс социалан машанехь.