Новости за 05.07.2020

Аҟәа араион ақыҭа Ешыра ахада Ҭамара Аҩӡԥҳа-Езыгәбаиа арадио Sputnik Аԥсны аефир аҿы еиҭалҳәеит ақыҭаҿы иҟоу ауадаҩрақәа ртәы.

Иуа Коӷониа ипоемақәа руак ззикыз, ахаҵара ду злаз Ашәы Данаҟаи иҭоурых Сырма Ашәԥҳа лматериал аҿы.

Ацәеижьхәҭақәа ирыхҳәаау аԥсуа жәлар ражәаԥҟақәеи урҭ рҵакқәеи ртәы ҳадылгалоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.

Аԥснытәи аҳәынҭқарратә музеи аиҳабы Аркади Џьопуа еиҭеиҳәеит 2015 шықәса рзы Абгархықә, археолог имш азы машәыршақә, дызқәымгәыӷуаны иԥшаахаз, даара иҩычоу аџьазтә еиха атәы.

Хымз реиҳа ҵуеит апандемиа иахырҟьаны Аԥсны аҳәаа аркуижьҭеи. Sputnik акорреспондент Саида Жьиԥҳа, ҳтәылауаа аӡәыр реиԥш, игәхьаалгоит аҳәаанырцә данцалоз лныҟәарақәа. Иахьа лара илгәалалыршәоит Австриеи, Словакиеи, Германиеи данырҭааз ирыдҳәалоу ахҭысқәа.

Аԥсны Аолимпиатә еилакы ахантәаҩы Валери Аршба арадио Sputnik аефир аҟны игәалаиршәеит 1980 шықәсазы Москва имҩаԥысуаз Аԥхынтәи Аолимпиатә хәмаррақәа, урҭ рҟны Аԥсны алагала атәы, убасгьы иҳәеит аспорт аҿиаразы лшарақәас иҟоу, хымԥада иҟаҵатәу.

Ҭырқəтəыла инхо аԥсуа ԥҳəыс бырг, зандуцəеи забдуцəеи Аԥснынтə ихырҵəаз Иԥеқ Аргəынԥҳа илызкуп ажурналист Сырма Ашəԥҳа иахьатәи ланҵамҭа.

Мышқәак раԥхьа Sputnik аҟны Сырма Ашәԥҳа Ҭырқәтәылатәи ҳџьынџьуаҩ Еџье Џьаԥра лыӡбахә лҳәеит, иара убри аҽны ауаажәларратә усзуҩ Инна Бенделиани лабду ԥсуаҵас аиашьара шныҟәигоз иазкны Саида Жьиԥҳа ланҵамҭа кьыԥхьын. Арҭ аҩҭоурыхк шеиқәҿырҭыз атәы иахьатәи ҳҭыжьымҭаҿы.