Новости за 02.07.2020

Гагра араион аҵараҟәша аиҳабы Мадина Жьиԥҳа арадио Sputnik аефир аҟны арубрика "Раионк аԥсҭазаараҟынтә" аҿы еиҭалҳәеит араион аҟны иҟоу ахәыҷбаҳчақәа раартразы аҭагылазаашьа зеиԥшроу.

Урыстәыла иҳаҩсыз уахыки-ҽнаки рыла ф-нызқь коронавирус хҭыс ҿыц азгәаҭоуп, апандемиа ааҟалеижьҭеи ари аҿкы чымазара хкы рыхьхьеит 660 нызқьҩык инареиҳаны.

Аԥсны ахада Аслан Бжьаниа Аминистрцәа реилазаара анапы ианиҵеит COVID-19 аамҭазы ареспублика абиуџьеттә система аҭышәныртәаларазы ауснагӡатәқәа аус рыдулазарци ишьақәырӷәӷәазарци.

Ахәцҵазы алагаларатә шәахтә иахьатәи аамҭазы Аԥсны илырхуеит атауар атәыла ианаларгало, даҽакала иуҳәозар, ирҭиаанӡа.

2021 шықәса рзы хымз ЕгрыГЕС агрегатқәа хәба рааныргылара азԥхьагәаҭоуп адеривациатә тоннель аремонт амҩаԥгаразы. Абри аан афымцалашара аузышьҭуа аӡы аанкылахоит.

Аԥсны ахада Аслан Бжьаниа ԥхынгәы 2 рзы Ахада иусбарҭа ахыбраҿы апресс-конференциа амҩаԥгара даҿуп.

Урыстәыла Аԥсни иареи рҳәаа анаркит аҳәаанырцәуаа рзы мшаԥы анҵәамҭазы адунеи аҿы ишьақәгылаз аепидемиологиатә ҭагылазаашьа иахҟьаны.

Урыстәылатәи Афедерациа аҳәынҭқарратә ҳәаа закәаншьаҭада ахысразы ҩышықәса рҟынӡа арбаандаҩра азыԥхьагәаҭоуп.

Аԥснытәи аҳәынҭқарратә университет аполитологиеи асоциологиеи ркафедра аиҳабы, афилософиатә ҭҵаарадыррақәа ркандидат Емма Гамсаниаԥҳа арадио Sputnik аефир аҟны ахҳәаа азыҟалҵеит Урыстәыла азакәан хада аиҭакрақәа ралагаларазы абжьыҭара.

Жәларбжьаратәи аинформациатә маҵзуреи арадиои Sputnik онлаин-сессиақәа мҩаԥнагоит арккаратә программа SputnikPro аҳәаақәа ирҭагӡаны.

Аҟәа ахадара аҵара аусбарҭа аиҳабы Асҭанда Ҭаркьылԥҳа арадио Sputnik Аԥсны аефир аҿы еиҭалҳәеит аҳҭнықалақь аҟны ахәыҷбаҳчақәа анаартхо.

Ԥхынгәы 2, 1993 шықәса рзы Тамшь ақыҭан аӡхыҵра иалагеит 300-ҩык инарзынаԥшуа аԥсуа мшынтә десант.

Аҿари аспорти русқәа рзы Аҳәынҭқарратә еилакы аиҿцәажәарақәа мҩаԥнагоит Урыстәыла имҩаԥысуа жәларбжьаратәи атурнирқәеи аиҩызаратә хәмаррақәеи Аԥснытәи акоманда алахәразы.

Кәтолтәи Ачаа рҭаацәара Очамчыра араион Лабра ақыҭан аӡахәааӡарҭа ашьаҭа ркит 2015 шықәсазы. Иахьа 56 гектар рҟны ирызҳауеит 300 нызқь ӡахәашьап.

Аԥсны инхо ма аамҭала иҟоу Урыстәыла атәылауаа Урыстәыла Аконституциа аиҭакрақәа ралагаларазы рыбжьы арҭон Аҟәа иҟоу Урыстәылатәи Афедерациа Ацҳаражәҳәарҭа ахыбраҿы ԥхынгәы 1 азы асааҭ 08:00 инаркны 20:00 рҟынӡа.

Аҩнуҵҟатәи аусқәа рминистрра иҭнаҵааит атәылахь абџьари аџьаԥҳани рыҭиразы иалазгало Зҭакԥхықәра ҳәаақәҵоу аилазаара "АРС" Черпанов" афинанс-нхамҩатә усура.

Аԥснытәи аусхкырацәатә коллеџь аиҳабы Џьумбер Мышәба арадио Sputnik аефир аҟны еиҭеиҳәеит аҵараиурҭа арҵаҩцәа рдырра шеиздырҳауа атәы.

Аҟәа ақалақь аҿы инхо Аслан Блабба 2019 шықәса абҵарамзазы Аҟәа амшын аԥшаҳәаҿы аҭыԥ змаз хҩык ауаа рышьра далахәын ҳәа агәызҩара ыҟоуп.

Акоронавирустә инфекциа аҿагыларазы Акоординациатә штаб ԥхынгәы 1 инаркны ахәыҷбаҳчақәа русуразы азин ҟанаҵеит.