Новости за 29.12.2019

Дырмит Гәлиа иҩны-амузеи аҭҵаарадырратә усзуҩ еиҳабы Заира Кәакәасқьырԥҳа арадио Sputnik Аԥсны аефир аҿы еиҭалҳәеит амузеи аҿы иӡыргоу ашәындыҟәра аҭоурых атәы.

Ашықәс ҿыц иашьананы иҟоу аԥсаӡ ԥшӡоуп. Аиҳараҩык бзиа ирбоит абнафҩы, аҵаафҩы зхышәшәо аԥсаӡ. Аха иара аамҭа рацәак азыхгаӡом, икаԥсо иалагоит. Sputnik Аԥсны ишәыднагалоит аԥсаӡ шышәыхьчаша азы абжьагажәақәа.

Очамчыра имҩаԥысуаз анардқәа рзы атурнир аҿы аиааира згаз Ҭемыр Қәычбериа арадио Sputnik Аԥсны аефир аҿы иҳәеит иԥылаз ахәмарыҩцәа зегьы шыџьбараз.

Ашықәс ҿыц ашәхымс ихгылоуп. Иазхәыцтәуп иузааигәоу ауаҩы дызлаургәырӷьаша. Иахьа иааухәаша шырацәоугьы, аҳамҭа бзиа алԥшаара зынӡа имариоу усӡам. Sputnik акорреспондент иазлырхиеит аныҳәаз Иара ма Лара еиҳа изеигәырӷьаша аҳамҭақәа реиқәыԥхьаӡа.

Таиф Аџьба ихьӡ зху аҳәынҭқарратә премиа анашьаразы акомиссиа ахантәаҩы, Аԥсуаҭҵааратә институт аиҳабы Арда Ашәба арадио Sputnik Аԥсны иаиҭаз аинтервиу аҿы иҳәеит апремиа анашьаразы аусумҭақәа шалыркааз.

Аԥсны Аҳәынҭқарра ахьӡала Ҭырқәтәылатәи Ареспубликаҿы хаҭарнакс иҟоу Вадим Ҳаразиа 2019-тәи ашықәс аихшьаала ҟаҵо, дазааҭгылеит ахаҭарнакра имҩаԥнагаз аусурақәа ртәы, иара убас аԥхьаҟатәи рыгәҭакқәа, изхаҵгылараны иҟоу азҵаарақәа.

Аԥсны Жәлар Реизара ахәбатәи ааԥхьара адепутатс иҟаз Ахра Кәакәасқьыр арадио Sputnik аефир аҟны ииасуа ашықәс аихшьаала ҟаҵо, иазгәеиҭеит аполитикатә хҭыс хада – алхрақәа - аҳәынҭқарреи ажәлари азыҟаҵамызт ҳәа.

Аӡәырҩы ажәларқәа реиԥш, аԥсуаагьы жәытәла ашықәс ҿыц аныҳәа азгәарҭон аӡынтәи амрагыларала. Есма Ҭодуа иҳадылгалоит аԥсуаа рҿы жәытәла ари аныҳәа шазгәарҭоз иазку анҵамҭа.