ԻՊ-ի դեմ պայքարում Թրամփին անհրաժեշտ է հենց Ռուսաստանը. Ալեքսեյ Պուշկով
ԱՄՆ նախագահ Դոնալդ Թրամփին, ով նախկինում իր համար առաջնահերթ խնդիր էր համարում «Իսլամական պետություն» ահաբեկչական խմբավորման ոչնչացումը, անհրաժեշտ է հենց Ռուսաստանի աջակցությունը: Life.ru-ի հաղորդմամբ` այս մասին թվիթերյան իր էջում գրառել է ՌԴ Պետդումայի պատգամավոր Ալեքսեյ Պուշկովը:
«Թրամփը հայտարարել է ԻՊ-ի ոչնչացման մասին՝ որպես առաջնահերթություն: Այս խնդրի լուծման համար նրան անհրաժեշտ չեն Վարշավան, Կիևը կամ Վիլնյուսը: Անհրաժեշտ է Ռուսաստանը», - գրել է Պուշկովը:
Դոնալդ Թրամփն իր նախընտրական քարոզարշավի ընթացքում հայտարարել էր, որ իր վարչակազմը հավատարիմ է մնալու միջազգային կոալիցիայի գաղափարին և ԻՊ-ի ոչնչացմանն ուղղված արշավի իրագործմանը: