Հրապարակվել է Սիրիայի հարցով սեպտեմբերի 9-ին կնքված ԱՄՆ-ՌԴ համաձայնագրի տեքստը
Associated Press գործակալությունը հինգշաբթի հրապարակել է Սիրիայի հարցով ռուս-ամերիկյան համաձայնագրի տեքստը, որը ձեռք է բերվել ԱՄՆ պետքարտուղար Ջոն Քերիի և ՌԴ ԱԳ նախարար Սերգեյ Լավրովի` սեպտեմբերի 9-ին Ժնևում կայացած հանդիպման արդյունքում:
INTERFAX.RU-ի հաղորդմամբ` գործակալությունը տեքստը հրապարակել է «Բռնության նվազեցում, մուտքի հասանելիության վերականգնում և համատեղ գործադիր կենտրոնի ստեղծում» խորագրով:
Փաստաթուղթը կազմված է հինգ կետերից, որոնցից երկուսը վերաբերում են Սիրիայում հրադադարի ռեժիմի հաստատմանը, երրորդը` Հալեպի Կաստելո փողոցից զորքերի դուրս բերումը: Չորրորդ կետը ենթադրում է սիրիական ավիացիայի թռիչքների սահմանափակում ընդդիմության վերահսկողության տակ գտնվող շրջաններում, իսկ 5-րդ կետը նվիրված է համատեղ գործադիր կենտրոնի ստեղծմանը: