Մոուրինյուն բացատրել է, թե ինչու է ընդմիջմանը փոխարինել Մխիթարյանին
«Մանչեսթեր Յունայթեդի» գլխավոր մարզիչ Ժոզե Մոուրինյուն մեկնաբանել է Պրեմիեր լիգայի 4-րդ տուրի՝ «Մանչեսթեր Սիթիի» հետ խաղի ընդմիջմանը Հենրիխ Մխիթարյանին փոխարինելու իր որոշումը:
«Հիասթափված եմ առաջին խաղակեսից: Հիասթափված եմ որոշ ֆուտբոլիստների անհատական գործողություններից, որոնք ազդեցին թիմային խաղի վրա: Նկատի ունեմ ոչ միայն Մխիթարյանին ու Լինգարդին: Մյուս ֆուտբոլիստները նույնպես լավ չխաղացին, չեմ սիրում անդրադառնալ առանձին մարդկանց: Պետք է ասենք, որ թիմը լավ չխաղաց առաջին կեսում:
Մարտավարական խնդիր չունեինք, խնդիր կար վատ ելույթների հետ, շատ էինք կորցնում գնդակը, շատ հեշտ: Նույնիսկ մեր կենտրոնական պաշտպանները շատ են գնդակ կորցրել: Սխալներ ենք թույլ տվել այդպիսի դիրքերում, այդ պատճառով խնդիրը միայն Մխիթարյանի ու Լինգարդի մեջ չէր, այն ավելի մեծ էր:
Փոփոխություններ չկատարեցի մեկնարկային 20 րոպեներից հետո, քանի որ չէի ցանկանում դրանով հարված հասցնել ֆուտբոլիստներին: Չէի ցանկանում երեք փոփոխություն կատարել ընդմիջմանը. առջեւում դեռ մեկ խաղակես կար: Եթե ֆուտբոլը լիներ բասկետբոլի նման՝ անսահման փոփոխություններով, ապա կկատարեի դրանք 20 րոպե հետո: Դրանք կատարեցի խաղակեսից հետո, փոխեցինք խաղի ուղղությունը, սակայն վարձահատույց չեղանք դրա համար»,- Մոուրինյուի խոսքը մեջբերում է «manchestereveningnews»-ը: