Շվեդական Մալմյո քաղաքում փոխհրաձգություն է տեղի ունեցել
Շվեդիայի Մալմյո քաղաքի հրապարակներից մեկում հրաձգություն է տեղի ունեցել, ինչի արդյունքում մեկ տղամարդ ոտքի շրջանում վիրավորում է ստացել. հաղորդում է РИА Новости-ն՝ հղում անելով քաղաքային ոստիկանության տարածած հաղորդագրությանը։
«Տղամարդը եկել է շտապ օգնության բաժանմունք և հայտնել, որ իր վրա կրակել են։ Ոստիկանությունը շրջափակել է հրապարակը, զննումը ցույց է տվել, որ տարածքում հրաձգություն է իրականացվել։ Վերքը տղամարդու կյանքի համար վտանգ չի ներկայացնում»,- հայտնել է ոստիկանությունը։
Աղբյուրը մանրամասնում է, որ հրաձգությունը տեղի է ունեցել Մալմյո քաղաքի Ռոզենգորդ շրջանում, որտեղ փախստականներ են տեղակայված։ Ոստիկանությունը կասկածյալների ու ականատեսների մասին տվյալներ դեռևս չունի։