Cirque du Soleil-ը չեղարկել է Թուրքիայում պլանավորված 40 ներկայացում
Կանադական աշխարհահռչակ Cirque du Soleil կրկեսը, անվտանգության նկատառումներից ելնելով, չեղարկել է Թուրքիայում պլանավորված 40 ներկայացում, հաղորդում է գերմանական Deutsch Türkische Nachrichten կայքը։
«Ստեղծված իրավիճակում չենք կարող երաշխավորել մեր աշխատակիցների անվտանգությունը։ Թուրքիայում հեղաշրջման ձախողված փորձի արդյունքները բացասական ազդեցություն են ունենում ոչ միայն քաղաքական ու տնտեսական, այլև մշակութային ոլորտի վրա»,- ասել է կրկեսի խոսնակ Մարի Հելեն Լագասը։
Աղբյուրը մանրամասնում է, որ կրկեսի ավելի քան 70 աշխատակիցներ պետք է օգոստոսի 16-ից մինչև սեպտեմբերի 17-ը 40 ներկայացում տային թուրքական Անթալիա քաղաքում, սակայն վերջին իրադարձությունների պատճառով բոլոր ծրագրերը չեղարկվել են։