Ահռելի չափերի հասնող ոտք ունեցող մարդը խուսափել է անդամահատումից (տեսանյութ, լուսանկարներ)
Չինաստանի Սիչուան նահանգի բնակիչ Լիու Հուիչանգը, ում ոտքը հասնում էր ահռելի չափերի, մի շարք վիրահատություններից հետո խուսափել է անդամահատումից, գրում է mirror.co.uk-ը:
22-ամյա երիտասարդը տառապում էր ոտքի գերաճով, և բժիշկները նրան ասել էին, որ միակ ելքը անդամահատումն էր, սակայն վիրահատությունները հաջող են անցել և անդամահատման կարիք այլևս չկա: Տղան դեռևս պետք է ենթարկվի մի քանի վիրահատությունների ևս, որպեսզի ոտքը լինի նորմալ չափերի:
Լիու Հուիչանգը պատմում է, որ դպրոցում նրան ծաղրել են և նույնիսկ ցատկել ոտքի վրա: Նրան պաշտպանել են իր եղբայրները և քույրերը: Ընտանիքն այժմ միջոցները է փնտրում, տղայի հետագա վիրահատությունների համար:
