Բեն Աֆլեքը թույլ չի տա որդուն դիտել իր մասնակցությամբ Բեթմենի ու Սուպերմենի մասին ֆիլմը
Հոլիվուդյան հայտնի դերասան Բեն Աֆլեքը, ով վերջերս նկարահանվել է «Բեթմենն ընդդեմ Սուպերմենի» գիտաֆանտաստիկ ֆիլմում, խոստովանել է, որ թույլ չի տա իր 4-ամյա որդուն` Սեմյուելին, դիտել այդ կինոնկարը:
Ինչպես նշում է The New York Daily News-ը, հոլիվուդյան աստղի պարզաբանմամբ՝ ինքը չի ցանկանում, որ որդին մղձավանջներ ունենա այդ ֆիլմի դիտումից հետո:
«Սա, անշուշտ, 4 տարեկանի համար նախատեսված ֆիլմ չէ: Չեմ ուզում, որ որդիս մղձավանջներ տեսնի: Սեմյուելին չհիասթափեցնելու համար ես երևի նրան ցույց կտամ ֆիլմի մոնտաժված տարբերակը, որտեղ բացակայում են վախենալու տեսարանները»,- նշել է Աֆլեքը:
Դերասանը նաև խոստովանել է, որ համաձայնել է նկարահանվել սուպերհերոսների մասին ֆիլմում մասամբ նաև իր 3 երեխաներին գոհացնելու նպատակով: