Բրիտանացի զինվորներն «անտեսանելի թիկնոցներ» են փորձարկում
Բրիտանացի զինվորները մասնակցում են նոր տեսակի կամուֆլյաժի փորձարկմանը, ինչը հնարավորություն կտա նրանց անտեսանելի դառնալ ռազմադաշտում` անորսալի մնալով նույնիսկ ինֆրակարմիր ու ռադիոտեղորոշիչ համակարգերի համար:
Ինչպես հայտնում է The Telegraph-ը, Հարի Փոթերի ոճով ստեղծված հեղափոխական կամուֆլյաժը ստացել է Vatec անվանումը: Ըստ պարբերականի պնդման՝ այն հնարավորություն է տալիս անհետանալ թշնամու տեսադաշտից:
«Սա կատարյալ կամուֆլյաժ է, որի նմանը չկա»,- իր տպավորություններով կիսվել է նորույթը փորձարկած զինվորներից մեկը:
Ենթադրվում է, որ նորույթը զանգվածային օգտագործման համար հասանելի կլինի 5 տարուց: