ՃՏՊ Վ. Սարգսյանի անվան ռազմական ինստիտուտի մոտակայքում. վարորդի և ուղևորի վիճակը ծանր է
Մարտի 21-ին՝ժամը 00.04-ին, ահազանգ է ստացվել, որ Երևանի Նոր Նորքի 7-րդ զանգվածում` Վ. Սարգսյանի անվան ռազմական ինստիտուտի մոտակայքում, տեղի է ունեցել ՃՏՊ, տուժածն արգելափակվել է ավտոմեքենայում. անհրաժեշտ է փրկարարների օգնությունը:Այս մասին տեղեկանում ենք ՀՀ ԱԻՆ մամուլի ծառայությունից։
Դեպքի վայր են մեկնել ՀՆՓԱԻԿ փրկարարական ջոկատը և մեկ մարտական հաշվարկ:
Պարզվել է, որ «Mercedes C180» մակնիշի 90 AU 919 պ/հ ավտոմեքենան (վարորդ՝ 1992 թ. ծնված Գ. Ս.) դուրս է եկել երթևեկելի գոտուց և բախվել էլ. սյանը:
Մինչ հրշեջ-փրկարարների կանչի վայր հասնելը` ուղևոր՝ 1988 թ. ծնված Մ. Կ.-ը ինքնուրույն դուրս է եկել ավտոմեքենայից:
Փրկարարները Գ. Ս.-ին դուրս են բերել ավտոմեքենայից: Վարորդը և ուղևորը տեղափոխվել են «Սրբ. Գր. Լուսավորիչ» ԲԿ, որտեղ նրանց առողջական վիճակը գնահատվել է ծանր:
Փրկարարները հոսանքազրկել են ավտոմեքենան և փակել գազի բալոնի փականը: