«Նոր Հայաստանի» երթի մասնակիցները ԵՄ գրասենյակի անվտանգության աշխատակցին հանձնեցին նամակը
Հայաստանում Եվրոպական միության պատվիրակության գրասենյակի մոտ հասնելով «Նոր Հայաստանի» երթի մասնակիցները կանգ առան ճաղերի մոտ. օրը ուրբաթ, ոչ աշխատանքային:
Ի վերջո, մոտեցավ գրասենյակի անվտանգության աշխատակիցը, ում Վարուժան Ավետիսյանը հայտնեց, որ երկու նամակ են հանձնում ԵՄ պատվիրակության ղեկավարին: Մյուսը Րաֆֆի Հովհաննիսյանի՝ ԵՄ բարձր ներկայացուցիչ Ֆեդերիկա Մոգերինիին մարտի մեկին գրված նամակի անգլերեն թարգմանությունն էր:
Նամակը հանձնելուց հետո մի տղամարդ սկսեց շարքերի միջից գոռգոռալ, անհասկանալի է, թե ինչից էր վրդովված: Վարուժան Ավետիսյանը, ով Վալերի Օսիպյանին երաշխիքներ էր տվել, որ երթուղուց շեղվելու դեպքում միջադեպեր չեն լինի, խնդրեց ոստիկաններին հեռացնել այդ մարդուն:
Հավաքի կազմակերպիչները կոչ էին անում հանգիստ գնալ Ազատության հրապարակ: