Տեսախցիկը ֆիքսել է Ռյազանի վառոդի գործարանում 17 մարդու կյանք խլած պայթյունի պահը (տեսանյութ)
Վերահսկման տեսախցիկները ֆիքսել են ՌԴ Ռյազանի մարզի վառոդի արտադրության գործարաններից մեկում տեղի ունեցած պայթյունի պահը:
Ինչպես հաղորդում է «ՌԻԱ Նովոստի»-ն, հրապարակված կադրերում երևում է՝ ինչպես է պայթյունի ալիքը հետ շպրտում պարկերը դատարկող աշխատակիցներին:
Հիշեցնենք, որ միջադեպը գործարանում գրանցվել էր հոկտեմբերի 22-ի առավոտյան. վառոդի արտադրամասում տեղի ունեցած պայթյունիցն հաջորդել էր հրդեհը: Կատարվածի հետևանքով 17 մարդ է մահացել:
ՌԴ ԱԻՆ-ից նշել են, որ բռնկման պատճառը տեխնոլոգիական գործընթացի ժամանակ տեղի ունեցած խախտումն է եղել: