Новости за 23.03.2022

Գերմանիայի կանցլեր Օլաֆ Շոլցը այսօր բանակցություններ է վարել Ռուսաստանի նախագահ Վլադիմիր Պուտինի և Վլադիմիր Զելենսկու հետ, հայտնում է Գերմանիայի կառավարության մամուլի ծառայությունը։

«Քաղաքացիական պայմանագիր» խմբակցության պատգամավոր Լուսինե Բադալյանը պնդում է՝ Ադրբեջանը պատրաստ է պատերազմի, բայց Հայաստանը ամեն ինչ անելու է խաղաղություն հաստատելու համար, անկախ նրանից՝ Ադրբեջանը ուզում է խաղաղություն, թե՝ ոչ.

Ֆրանսիայի նախագահ Էմանուել Մակրոնը հայտարարել է, որ պատրաստ է շարունակել Պուտինի հետ երկխոսությունը այնքան ժամանակ, որքան կպահանջվի Ուկրաինայում հրադադարի հասնելու համար։

ԱՄՆ-ը միջնորդի դեր չի խաղում Ռուսաստանի և Ուկրաինայի միջև դիվանագիտական շփումներում: Վաշինգտոնը կարծում է, որ Կիևը պետք է ինքնուրույն որոշումներ կայացնի այս բանակցային գործընթացում։

ՀՀ նախկին ՄԻՊ Արման Թաթոյանը ֆեյսբուքյան էջում գրել է․ «Ադրբեջանական տարածքային ամբողջականությունը որևէ առնչություն չունի Արցախի հետ և չի էլ ունեցել: Սա է հիմնարար գաղափարը և իրականությունը:

84 տարեկանում մահացել է ԱՄՆ նախկին պետքարտուղար Մադլեն Օլբրայթը։ Այս մասին հայտնում է Ռիա Նովոստին։

Երևանի Արաբկիր վարչական շրջանի ղեկավար Արամ Դանիելյանը ֆեյսբուքյան էջում գրել է, որ դադարեցնում է աշխատանքը.

ՌԴ ԱԳՆ-ում նոտա է հանձնվել ԱՄՆ դեսպանատան ներկայացուցչին։ Նոտայում ՌԴ-ում ԱՄՆ դեսպանատան արտաքսվող աշխատակիցների ցանկն է եղել։

ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից մարտի 23-ին, տեղական ժամանակով ժամը ժամը 21:10-ին (Գրինվիչի ժամանակով ժամը 17:10-ին) գրանցվել է հյուսիսային լայնության 41.11⁰ և արևելյան երկայնության 43.92⁰ աշխարհագրական կոորդինատներով՝ Հայաստան-Վրաստան սահմանային գոտի` Բավրա գյուղից 9 կմ արևելք, օջախի 10 կմ խորությամբ, 3.6 մագնիտուդով երկրաշարժ:

Վլադիմիր Զելենսկին ԱՄՆ նախագահ Ջո Բայդենին խորհուրդ է տվել ժամանակավորապես պատժամիջոցներ չկիրառել ռուս գործարար Ռոման Աբրամովիչի նկատմամբ, քանի որ նա կարող է օգնել Ռուսաստանի հետ բանակցություններում, գրում է Wall Street Journal-ը՝ հղում անելով աղբյուրներին։

Իսրայելի պաշտպանական արտադրանքի արտահանման վերահսկողության գործակալությունը արգելափակել է իսրայելական NSO Group ընկերությունից Pegasus լրտեսող ծրագիր ձեռք բերելու Ուկրաինայի փորձը։

WikiLeaks -ի հիմնադիր Ջուլիան Ասանժը, ով Լոնդոնի Բելմարշ բանտում է, կալանավայրում ամուսնացել է իր փաստաբանի՝ Ստելլա Մորիսի հետ: «Արմենպրես»-ի փոխանցմամբ, այս մասին հայտնում է ՏԱՍՍ-ը՝ նշելով, որ արարողությունն անցկացվել է երկու վկայի և ևս չորս հրավիրվածի ներկայությամբ:

Եվրամիության անդամ երկրների ղեկավարները մարտի 24-25-ը կայանալիք գագաթնաժողովում քննարկելու են կառույցին Ուկրաինայի անդամակցության հարցը: 

Ուկրաինայի և Աֆղանստանի շուրջ ստեղծված իրավիճակը Մերձավոր Արևելքի երկրներին ստիպում է ԱՄՆ-ի աջակցությանը փոխարինող փնտրել։ Այս մասին Դամասկոսում Իրանի արտգործնախարար Հոսեյն Ամիր Աբդոլլահիանի հետ հանդիպման ժամանակ հայտարարել է Սիրիայի նախագահ Բաշար ալ Ասադը։

Պարտավոր էինք աջակցել մարտի 10-ին Եվրախորհրդարանի կողմից ընդունված «Լեռնային Ղարաբաղում մշակութային ժառանգության ոչնչացման մասին» բանաձեւին. անտարբեր մնալը կլիներ «անընդունելի պատասխանատվություն կիսում»: «Արմենպրես»-ի փոխանցմամբ, այս կարծիքին են իտալացի պատգամավորներ, «5 աստղ» շարժման ներկայացուցիչ Ֆաբիո Մասիմո Կաստալդոն և «Լեգա» կուսակցության անդամ Սուսաննա Չեկարդին, ովքեր պաշտպանել են բանաձևը։

Ուկրաինայի մայրաքաղաք Կիևում այսուհետ պարետային ժամ կգործի: «Արմենպրես»-ի փոխանցմամբ, այս մասին հայտնել են քաղաքային իշխանությունները:

Ռուսաստանին G20-ից հեռացնելուն, ամենայն հավանականությամբ, չեն աջակցի Բրազիլիան, Հնդկաստանը, Թուրքիան, Հարավային Աֆրիկան և մի շարք այլ երկրներ: «Ռիա Նովոստի»-ի հաղորդմամբ՝ այս մասին ասել է Դաշնային խորհրդի միջազգային հարցերով կոմիտեի նախագահի առաջին տեղակալ Վլադիմիր Ջաբարովը։

Ուկրաինայում ՀՀ դեսպանությունը ողջ կազմով շարունակում է բնականոն գործունեությունը: Այս մասին ասված է դեսպանության տարածած հաղորդագրության մեջ:

Մարտի 23-ին կայացավ ՀՀ-ԱՄՆ ռազմավարական երկխոսության երկրորդ առցանց նիստը, որի ընթացքում քննարկվեցին պաշտպանական և անվտանգային ոլորտներում երկկողմ համագործակցությանը վերաբերող հարցեր։ Այս մասին հայտնում է ՀՀ ԱԳՆ-ն:

Մեծ Բրիտանիայի պաշտպանության նախարարությունը դիմել է YouTube-ի ղեկավարությանը՝ խնդրելով հարթակից հեռացնել տեսաձայնագրությունները, որտեղ նախարար Բեն Ուոլեսը խոսում է ռուս պրանկեր Լեկսուսի՝ Ալեքսեյ Ստոլյարովի հետ, ով ներկայացել էր իբրև Ուկրաինայի վարչապետ: «Արմենպրես»-ի փոխանցմամբ, այս մասին ասվում է պաշտպանական գերատեսչության հայտարարության մեջ:

Ուկրաինական զորքերը գնդակոծել են Դոնեցկը: «Ռիա Նովոստի»-ի հաղորդմամբ՝ այս մասին հայտնում է հրադադարի ռեժիմի վերահսկման և համակարգման միացյալ կենտրոնում Դոնեցկի Ժողովրդական Հանրապետության ներկայացուցչությունը:

Քաղաքական մեծամասնությունը դեմ քվեարկեց մի նախագծի, որով նախատեսվում էր քրեական հետապնդում այն մարդկանց նկատմամբ, ովքեր կասկածի տակ կդնեին ՀՀ տարածքային ամբողջականությունը։ Նման մի երևույթ տեղի է ունեցել վերջերս Ներքին Հանդում, երբ թշնամին հերթական անգամ ներխուժել է ՀՀ սուվերեն տարածք, և  բնակիչներն են արոտավայր գնալիս նկատել, որ ադրբեջանցիները վրաններ են տեղադրել այդ տարածքում։ Սկզբում ՊՆ-ն հերքում էր, հետո հաղորդագրություն տարածվեց, որ այո, այնտեղ տեղակայված են ադրբեջանցիներ, բայց դա Ադրբեջանի վերահսկողության տակ գտնվող տարածք է... Читать дальше...

Հայաստանի Հանրապետությունում ապրիլին օդի ջերմաստիճանը, նախնական տվյալներով, կանխատեսվում է, որ կլինի կլիմայական նորմայից 1-ից 2 աստիճանով բարձր, տեղումների քանակը կլինի նորմային մոտ և մի փոքր պակաս: «Արմենպրես»-ի հաղորդմամբ՝ այս մասին լրագրողներին ասաց ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը:

Հնարավորություն կա՞ քննարկելու Ռուսաստանի հետ գազի վճարման հետ կապված ռուբլիով վճարման որոշակի ժամկետային ռեժիմ: Այս մասին ԱԺ-Կառավարություն հարցուպատասխանի ընթացքում հետաքրքրվեց Ազգային ժողովի «Քաղաքացիական պայմանագիր» խմբակցության պատգամավոր Սերգեյ Բագրատյանը՝ հարց ուղղելով փոխվարչապետ Մհեր Գրիգորյանին:

Հայաստանի դիրքորոշումը Շուշիում Թուրքիայի և Ադրբեջանի նախագահների ստորագրած հռչակագրի կապակցությամբ որևէ փոփոխության չի ենթարկվել, Հայաստանի դիրքորոշումն արտահայտված է ԱԳՆ-ի՝ դեռ նախորդ տարվա հունիսին արած հայտարարությունում: «Արմենպրես»-ի հաղորդմամբ՝ այս մասին ասաց ՀՀ ԱԳ նախարար Արարատ Միրզոյանն՝ ԱԺ-ում կառավարության անդամների հետ հարցուպատասխանի ժամանակ անդրադառնալով «Հայաստան» խմբակցության պատգամավոր Արամ Վարդևանյանի հարցին: