Новости за 28.07.2021

Ֆրանսիայում ձերբակալել են Փարիզի կենտրոնում գտնվող Chaumet թանկարժեք իրերի խանութը կողոպտած հանցագործները: Այս մասին գրում է The Guardian պարբերականը:

Հայաստանի կառավարությունը մտադիր է գնել կորոնավիրուսի դեմ  Sinopharm (Չինաստան) և  Pfizer/BioNTech (Գերմանիա-ԱՄՆ-Չինաստան) պատվաստանյութերը: Ինչպես փոխանցում է «Արմենպրես»-ը, համապատասխան հարցն ընդգրկված է ՀՀ կառավարության հուլիսի 29-ի նիստի օրակարգում:

Լիտվան կորոնավիրուսի դեմ AstraZeneca-ի պատվաստանյութի  հազարավոր դեղաչափեր նվիրատվություն կանի Ուկրաինային, Մոլդովային և Հայաստանին: «Արմենպրես»-ի փոխանցմամբ, այս մասին հայտնում է Լիտվայի հանրային հեռուստառադիոընկերությունը:

Այսօր Գեղարքունիքում վիրավորում ստացած զինծառայողները հոսպիտալում Մարդու իրավունքների պաշտպանի ներկայացուցիչներին հաստատել են, որ իրենք կանխում են ադրբեջանական զինված ուժերի կողմից ՀՀ գյուղերի ուղղությամբ արձակվող կրակոցները և կատարում են ՀՀ քաղաքացիական բնակչության անմիջական պաշտպանության գործառույթ: Այս մասին ֆեյսբուքյան իր էջում գրել է ՀՀ ՄԻՊ Արման Թաթոյանը:

Նյու Յորքի բնակիչները, որոնք հուլիսի 30-ից կսկսեն կորոնավիրուսի դեմ պատվաստումները, կստանան 100 ԱՄՆ դոլարի չափով պարգևատրում:

Առնվազն երկու մարդ մահացել, ևս 30-ը տուժել են ԱՄՆ Տեխաս նահանգի Հյուսթոն շրջանում LyondellBasell ընկերության նավթաքիմիական գործարանում քիմիական նյութի արտահոսքի հետևանքով: Ինչպես փոխանցում է «Արմենպրես»-ը, այս մասին հայտնում է ամերիկյան ABC-ն:

ԱՄՆ նախագահ Ջո Բայդենը հայտարարել է, որ առավոտյան Սպիտակ տանը հանդիպում է ունեցել Բելառուսի նախագահի նախկին թեկնածու Սվետլանա Տիխանովսկայայի հետ: Այս մասին գրում է «ՌԻԱ Նովոստի» գործակալությունը:

Հայաստանի և Ադրբեջանի սահմանին աճող լարվածությունը մտահոգում է ՄԱԿ -ին: Այս մասին չորեքշաբթի ճեպազրույցի ժամանակ հայտարարել է համաշխարհային կազմակերպության գլխավոր քարտուղարի պաշտոնական ներկայացուցչի տեղակալ Ֆարհան Հակը՝ մեկնաբանելով չորեքշաբթի գիշերը տեղի ունեցած բախումների մասին տեղեկությունները, գրում է ՏԱՍՍ գործակալությունը:

Խորհրդարանական արտահերթ ընտրությունները չփոխեցին առկա իրավիճակն ու իրողությունները։ Այսօր հանրությունն արթնացավ եւ արձանագրեց, որ կրկին պատերազմ է, կրկին զոհեր ունենք։ Այս մասին ֆեյսբուքյան իր էջում գրել է «Այլընտրանքային նախագծեր» խմբի անդա, «Հայաստան» դաշինքի անդամ Գեղամ Նազարյանը:

Նյու Յորքի իշխանությունները ուրբաթ օրվանից 100 դոլար  են առաջարկում կորոնավիրուսի պատվաստանյութի առաջին չափաբաժինը ստացող յուրաքանչյուր անձի: Այս մասին ասված է քաղաքապետարանի թվիթերյան օգտահաշվում, գրում է «ՌԻԱ Նովոստի» գործակալությունը:

Այսօր տեղի է ունեցել ՀՀԿ Գործադիր մարմնի հերթական նիստը, որը վարում էր ՀՀԿ նախագահ, ՀՀ երրորդ նախագահ Սերժ Սարգսյանը։ Այս մասին տեղեկացնում է ՀՀԿ գործադիր մարմինը:

Ազգային ժողովի նախագահի կարգադրությամբ Վահան Կոստանյանն ու Սյուզաննա Ավետիսյանը ազատվել են ԱԺ նախագահի խորհրդականի պաշտոններից։ Այս մասին տեղեկանում ենք ԱԺ պաշտոնական կայքից։

Չորեքշաբթի Ժնևում կայացած ռազմավարական կայունության հարցերով խորհրդակցությունների ընթացքում ԱՄՆ-ի և Ռուսաստանի պատվիրակությունները քննարկել են անվտանգության ներկա սպառնալիքները, ինչպես նաև միջուկային զենքի վերահսկման հեռանկարները: Այս մասին հայտարարել է ԱՄՆ պետդեպարտամենտի պաշտոնական ներկայացուցիչ Նեդ Փրայսը, գրում է «ՌԻԱ Նովոստի» գործակալությունը:

Հուլիսի 28-ի ժամը 18։00-ի դրությամբ իրադրությունը հայ-ադրբեջանական սահմանի Գեղարքունիքի հատվածում կայուն է, կրակի դադարեցման մասին պայմանավորվածությունը հիմնականում կատարվում է։ Այս մասին հայտնում է ՊՆ-ն:

Հուլիսի 28-ին կայացած նիստում Ուկրաինայի կառավարությունը հաստատել է Միացյալ Նահանգների հետ ռազմատեխնիկական ծրագրերի վերաբերյալ համաձայնագրի նախագիծը և լիազորել է պաշտպանության նախարար Անդրեյ Տարանին ստորագրել այն: Այս մասին գրում է korrespondent.net կայքը:

2008 թվականից ի վեր, Էրեբունի ամրոցում իրականացվում է հնագիտական պեղումների լուրջ ծրագիր։ Հայ և ֆրանսիացի հնագետների համագործակցությամբ իրականացվող հետազոտությունների այս ծրագիրը հիմնականում ներառում է ամրոցի սյունազարդ դահլիճը, Իուբշա աստծուն նվիրված տաճարի շրջակա տարածքը և ամրոցից դուրս գտնվող արտաքին բնակավայրը: Էրեբունու հնագիտական պեղումներն ավարտելու առթիվ 2021թ․ առաքելության ուսումնասիրությունների արդյունքները ներկայացվել են Երևանի քաղաքապետի տեղակալ Գայանե Մելքոմ Մելքոմյանին և ՀՀ-ում Ֆրանսիայի դեսպան Ժոնաթան Լաքոտին... Читать дальше...

ՀՀ քննչական կոմիտեի Տավուշի մարզային քննչական վարչությունում ավարտվել է շորթման դեպքի առթիվ հարուցված քրեական գործի նախաքննությունը: Մինչդատական վարույթում իրականացված քննչական և այլ դատավարական գործողությունների արդյունքում պարզվել են դեպքի՝ էական նշանակություն ունեցող հանգամանքներ: Այս մասին հայտնում է ՔԿ-ն:

Թուրքիայի խորհրդարանի խոսնակ Մուստաֆա Շենթոփը հայտարարել է, որ ինքը չի խոսել համատեղ թյուրքական բանակ ստեղծելու վերաբերյալ Բաքվի և Անկարայի միջև բանակցությունների մասին, դեռևս  անցկացվում են միայն երկու երկրների համատեղ զորավարժություններ: Այս մասին գրում է minval.az կայքը:

Ռուսաստանի Դաշնության նախագահ Վլադիմիր Պուտինն օպերատիվ խորհրդակցություն է անցկացրել Անվտանգության խորհրդի մշտական անդամների հետ՝ ի թիվս այլ հարցերի քննարկելով իրադրությունը հայ-ադրբեջանական սահմանին: «Արմենպրես»-ի փոխանցմամբ, այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:

Կորոնավիրուսային համավարակի 4-րդ ալիքը տարածվել է Ֆրանսիայի բոլոր շրջանների վրա: Այս մասին չորեքշաբթի օրը հայտարարել է Ֆրանսիայի կառավարության պաշտոնական ներկայացուցիչ Գաբրիել Ատտալը, գրում է ՏԱՍՍ գործակալությունը:

Թուրքիայի Անթալիա նահանգում խոշոր անտառային հրդեհ է բռնկվել: Այս մասին տեղեկացնում է TRT հեռուստաընկերությունը:

Գեղարքունիքի մարզի Գեղամասար համայնքի ղեկավարի  տեղակալ Վարդան Մարգարյանը հուլիսի 28-ին սահմանամերձ գյուղերի բնակիչների շրջանում սահմանային իրավիճակով պայմանավորված խուճապ չի նկատել:  «Արմենպրես»-ի հաղորդմամբ` Մարգարյանն այս մասին լրագրողների հետ զրույցում:

ՀՀ սննդամթերքի անվտանգության տեսչական մարմինը 2021 թվականի հուլիսի 26-ից վերացրել է Ռուսաստանի Դաշնությունից կենդանի խոզերի, նրանց գենետիկական նյութերի, խոզի մսի և այլ սննդային մսային հումքի, վայրի խոզի մսի, իրենց բաղադրության մեջ խոզի միս պարունակող պատրաստի արտադրանքների, եղջյուրակճղակային, կաշվե, աղիքային հումքի, խոզաստևի, որսորդական հաղթանշանների, խոզերի կերակրման համար բոլոր տեսակի կերերի և լրացակերերի (բացառությամբ սինթետիկ և քիմիական նյութեր պարունակող լրացակերերի) ներմուծման ժամանակավոր սահմանափակումները... Читать дальше...

Ս.թ. հուլիսի 28-ին տեղի ունեցավ «Հայաստան» և «Պատիվ ունեմ» դաշինքների ներկայացուցիչների հանդիպում։ Այս մասին ֆեյսբուքյան իր էջում գրել է «Պատիվ ունեմ» դաշինքի անդամ Հայկ Մամիջանյանը:

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, ս.թ. հուլիսի 29-ի ժամը 06.00-16.00 կդադարեցվի Կոտայքի մարզի՝ Հրազդան քաղաքի՝ Կենտրոն թաղամասի ջրամատակարարումը: