«Ռեալի» թանգարանում ՉԼ 13-րդ գավաթի համար տեղ չկա
Մայիսի 26-ին Մադրիդի «Ռեալը» նվաճեց Չեմպիոնների լիգայի 2017/18 մրցաշրջանի գավաթը:
Սա «սերուցքայինների» 13-րդ ՉԼ գավաթն էր: «Marca»-ն հայտնում է, որ «Ռեալի» թանգարանում տեղ չկա գավաթի համար և ակումբի ղեկավարները որոշում են կայացրել մեծացնել թանգարանի տարածքը:
Սա նմանատիպ առաջին դեպքը չէ: Չեմպիոնների լիգայում 10-րդ չեմպիոնությունից հետո «արքայական» ակումբի ամեն հաջորդ գավաթը դրվել է առանձին սենյակում:
11-րդի համար տեղ գտնվել է, իսկ 12-րդի և 13-րդի համար անհրաժեշտ է եղել նոր տարածք: Փաստացի սա երկրորդ դեպքն է, երբ թանգարանի տարածքն ընդլայնվում է: