თურქეთში გარდაცვლილთაგან მხოლოდ ერთია საქართველოს მოქალაქე - საგარეო საქმეთა სამინისტრო

თურქეთში გარდაცვლილთაგან მხოლოდ ერთია საქართველოს მოქალაქე, - ამის შესახებ ინფორმაცია რუსთავი2-ს საქართველოს საგარეო საქმეთა სამინისტრომ მიაწოდა. 

სამინისტროს ინფორმაციით, გარდაცვლილთაგან ორი ქალბატონია, ხოლო ერთი 18-20 წლამდე ასაკის ახალგაზრდა მამაკაცი. 

მათივე ინფორმაციით, გარდაცვლილთაგან ერთ-ერთ ქალბატონს საქართველოს მოქალაქეობა შეწყვეტილი ჰქონდა და ის ამჟამად თურქეთის მოქალაქეა. ხოლო გარდაცვლილი მამაკაცის მოქალაქეობის საკითხი ამ დროისთვის დადგენილი არ არის.

როგორც სამინისტროში აცხადებენ, საქართველოს საელჩო თურქეთში მუდმივ კოორდინაციაში იმყოფება თურქ სამართალდამცველებთან. მიმდინარეობს გამოძიება.

თურქეთში მომხდარ მკვლელობასთან დაკავშირებით მედიაში ურთიერთგამომრიცხავი ინფორმაციები ვრცელდება,  მათ შორის გარდაცვლილთა ასაკთან  დაკავშირებით. საგარეო საქმეთა სამინისტროში კი თურქეთში საქართველოს კონსულის ინფორმაციაზე დაყრდნობით აცხადებენ, რომ გარდაცვლილებს შორის  მცირეწლოვანი არ არის. სხვა დეტალები კი დგინდება.