Новости за 31.01.2016

ზაქარია ფალიაშვილის სახელობის ოპერისა და ბალეტის თეატრი გუშინ გაიხსნა. აღსაღნიშნავია ის ფაქტი, რომ გახსას ვერ დაესწრო ზაქარია ფალიაშვილის უშუალო შთამომავალი, რომელმაც ფალიაშვილის სახლი, სახელმწიფოს გადასცა, მაგრამ მათ მოსაწვევბი არ შეხვდათ.

დღეს პრეზიდენტი ოპერისა და ბალეტის თეატრს ეწვია. გიორგი მარგველაშვილმა სპექტაკლის დაწყებამდე  საზოგადოებას ოპერის გახსნა მიულოცა და მადლობა გადაუხადა ყევლას, ვინც მის განახლებაში მიიღო მონაწილეობა.

მიწები რომელიც აზერბაიჯანის სახელმწიფო საზღვრიდან რამდნეიმე კილომეტრში მდგებარეობს სოფელ მეორე ქეშალოს მოსახლეობამ საკუთარი სახსრებით დახნა, მაგრამ მათ ხორბლის დათესვის საშუალებას ადგილობრივი ხელისუფლება არ აძლევს და 250 კაციანი კოოპერატიოვი, რომელიც მიწის შენარჩუნების და მოსავლის მიღების მიზნით შეიქმნა, დაშლის ზღვარზეა.

გარდაბანში გამართული გამგებლის არჩევნების შედეგი ფაქტობრივად რეპეტიცია იყო შემოდგომის საპარლამენტო არჩევნების წინ, თუმცა საარჩევნო უბნებზე დილიდანვე ამომრჩევლის აქტივობა დაბალი იყო.

ბათუმში ე.წ. ხოფის ბაზრობაზე მაღაზია დაიწვა. ადგილზე რამდენიმე სახანძრო-სამაშველო სამსახურის მანქანა იყო მობილიზებული. 

საქართველოს კათოლიკოს-პატრიარქი 2 დღის წინ შვეიცარიიდან დაბრუნდა, სადაც მსოფლიო მართლმადიდებლური ეკლესიების წინამძღოლების შეკრება გაიმართა.

ხიჭაურის სკოლაში გასულ კვირას კონფლიქტი მოხდა, რისი მიზეზიც სასწავლებლის ერთ-ერთი ხელმძღვანელისა და პედაგოგის წასვლა იყო, რომელსაც მოსწავლეთა პროტესტი მოჰყვა, შემდეგ კი დაპირისპირება ადმინისტრაციასთან და მშობელთა პროტესტი. ეს სკოლა სხალთის ეპისკოპოსის სპირიდონის მზრუნველობის ქვეშაა.

თბილისის საქალაქო სასამართლოს მოსამართლის ნანა დარასელიას ავტომობილს ესროლეს.

მანანა კობახიძისა და ალეკო ელისაშვილის დაპირისპირება გრძელდება. ამჯერად ისინი ერთმანეთს სოციალურ ქსელში გამოქვეყნებული სტატუსის გამო უყენებენ ბრალდებებს.

18 წლის მამაკიცი, რომელიც კახეთის გზატკეცილზე გაზის გაჟონვის შედეგად მომხდარი აფეთქების დროს დაშავდა, იგოროყვას საუნივერსიოტეტო კლინიკაში გადაიყვანეს. მას გულ-მკერდის დახურული ტრამვა აქვს. როგორც ექიმები ამბობენ მისი ჯამრთელობის მდგომარეობა ამ დროისთვის დამაკმაყოფილებელია.  

კახეთის გზატკეცილზე მომხდარ აფეთქებაზე შინაგან სამქეთა სამინისტრომ გამოძიება დაიწყო. მომხდარზე საქმე სისხლის სამართლის კოდექსის 240-ე პრიმა მუხლის მეორე ნაწილით აღიძრა, რაც უსაფრთხოების წესების დარღვევას გულისხმობს.

თბილისში კახეთის გზატკეცილზე აფეთქება მოხდა, რასაც ერთი ადამიანის სიცოცხლე ემსხვერპლა. შემთხვევის შედეგად არიან დაშავებულებიც. აფეთქება საცხოვრებელი სახლის მეექსვსე სართულზე გაზის გაჟონვამ გამოიწვია. როგორც სახანძრო-სამაშველო სამსახურში რუსთავი 2-ს განუცხადეს, მაშველებმა აფეთქებული ბინიდან 3 პიროვნება გამოიყვანეს, რომელთაგან 1 გარდაცვლილი იყო.

ამერიკის შეერთებულ შტატებში პირველი შიდაპარტიული არჩევნებისთვის ემზადებიან. პროცესი ხვალ აიოვას შტატიდან დაიწყება. ბოლო სოციოლოგიური გამოკითხვის შედეგების თანახმად, დემოკრატიულ და რესპუბლიკურ პარტიებში პრეზიდენტობის კანდიდატებს შორის ჰილარი კლინტონი და დონალდ ტრამპი ლიდერობენ. შეერთებული შტატების ყოფილ სახელმწიფო მდივანს გამოკითხულთა 45, მილიარდერ ბიზნესმენს კი 28 პროცენტი ემხრობა. ჰილარი კლინტონს მხარდაჭერა გავლენიანმა გამოცემა "ნიუ-იორკ თაიმსმაც" გამოუცხადა. ამერიკელები ახალ პრეზიდენტს ნოემბერში აირჩევენ. Читать дальше...

ყაჩაღობა რუსთავში-მიკრო საფინანსო ორგანიზაცია კრედო დღეს დილას დააყაჩაღეს. ინფორმაცია ამის შესახებ რუსთავი 2-ს შსს-ში დაუდასტურეს.

თურქეთის საჰაერო-სამხედრო ძალები განგაშის ნარინჯისფერ დონეზეა გადაყვანილი. ინფორმაციას ამის შესახებ თურქეთის სამთავრობო სააგენტო Anadolu Agency ავრცელებს.

"ახალი პოლიტიკური ცენტრი - გირჩი" ეკონომიკური პროგრამის წარადგენას რეგიონებში განაგრძობს. ამჟერად გირჩის წევრებმა პრიორიტეტებზე ქუთაისში ისაუბრეს. მათი თქმით, საქართველოს არ აქვს იმის ფუფუნება, რომ ჰქონდეს დაბალი ეკონომიკური ზრდა. პროგრამის მთავარ საკითხად ახალი პოლიტიკური ცენტრი დაბალ გადასახადებს, მთავრობის უფლებამოსილებების შეზღუდვას და დახმარებების გაზრდას ასახელებს. გირჩის ქუთაისის ოფისი ეკონომიკური პროგრამის გაცნობას მედიის შემდეგ არასამთავრობო სექტორისთვის, პოლიტიკური პარტიებისა და ადგილორივი მოსახლეობისთვის გეგმავს. Читать дальше...

ქუთაისის მერია საქალაქო სასამართლოს ნაციონალური მოძრაობის ადგილორივი ოფისის დაჯარიმების შუამდლომლობით მიმართავს. უწყებაში ამბობენ, რომ ამის მიზეზი აივანზე გამოტანილი ორი ბანერია, რომლითაც ისტორიული უბანი და კულტურული მემკვიდრეობის ძეგლის სტატუსის მქონე შენობა მახინჯდება - შესაბამისად ირღვევა კანონი.

უკრაინის აღმოსავლეთ რეგიონებში პრორუსი მებრძოლები ცეცხლის შეწყვეტის შეთანხმებას ყოველდღიურად არღვევენ. სეპარატისტებმა მძიმე არტილერიის გამოყენებით სამთავრობო პოზიციების მიმართულებით ცეცხლი წუხელ 36–ჯერ გახსნეს.

მსოფლიო მართლმადიდებელთა საეკლესიო კრება ივნისში გაიმართება. კრების დეტალების შესახებ საქართველოს კათოლიკოს-პატრიარქმა საკვირაო ქადაგებისას ისაუბრა. მისი თქმით, ეს გადაწყვეტილება ჟენევაში, მართლმადიდებელი ეკლესიების მეთაურთა შეხვედრაზე მიიღეს.

ტელეკომპანია რუსთავი 2, წიგნის მაღაზია სანტა - ესპერანსა და ბაკურ სულაკაურის გამომცემლობა, სხვა შუადღის პირდაპირ ეთერში წარმოგიდგენთ ნესტან ნენე კვინიკაძის, ლაშა ბუღაძის და დათო ტურაშვილის ლიტერატურულ ორშაბათს.

მოსკოვში სამკერვალო საამქორში გაჩენილი ხანძრის შედეგად გარდაცვლილთა რიცხვი 12-მდე გაიზარდა. გარდაცვლილებს შორის ერთ-ერთი წლამდე ასაკის ბავშვია. გარდა ამისა როგორც ცნობილია მიმდინარეობს კიდევ ერთი პირის სამძებრო სმაუშაოები. თავდაპირველად გავრცელდა ცნობა 9 გარდაცვლილის შესახებ, თუმცა ცეცხლის ჩაქრობის შემდეგ მაშველებმა ნანგრვებეში კიდევ 3 ცხედარი აღმოაჩინეს. გავრცელებული ცნობით, საამქროში მიგრანტები ცხოვრობდნენ.

ხელვაჩაურში მდინარე ჭოროხის მიმდებარედ ახალგაზრდა ქალის ცხედარი იპოვეს. ცხედარი ადგილობრივებმა დღეს, დილით აღმოაჩინეს.

9 წლის იუბილესთან დაკავშირებით შინაგან საქმეთა სამინისტროს მომსახურების სააგენტოში პრეზენტაცია გაიმართა. წარმოადგენილი იყო მიმდინარე წელს დაგეგმილი პროექტები - აქცენტი გაკეთდა საგანმანათლებლო, ინფრასტრუქტურულ, ტექნოლოგიურ და სოციალურ პრეოქტებზე. ასევე შეჯამდა გასულ წლის მონაცემები. ღონისძიებას შინაგან საქმეთა მინისტრი, მინისტრის მოადგილეები, დეპარტამენტის დირექტორები და მთავრობის ადმინისტრაციის წარმომადგენლები დაესწრნენ. 

ექვსწლიანი პაუზის შემდეგ, განახლებულმა თეატრმა „აბესალომ და ეთერის“ პრემიერა წარმოადგინა. სპექტაკლის დაწყებამდე თეატრის წითელ და ცისფერ დარბაზებში გამოფენილი იყო „გორდასა“ და „აბესალომ და ეთერის“ კოსტიუმები და პარტიტურები, ასევე ოპერისა და ბალეტის თეატრის ისტორიის ამსახველი გამოფენა. სულ, თეატრის აღდგენა და რესტავრაცია 40 მილიონ დოლარამდე დაჯდა.

ჰოლივუდში დაჯილდოვების სეზონი გრძელდება. ლოს ანჯელესმა ამჯერად კინომსახიობთა გილდიას უმასპინძლა. ცერემონიაზე ლეონარდო დიკაპრიო წლის საუკეთესო მსახიობად აღიარეს, ქალებს შორის კი ამავე ნომინაციაში ბრი ლარსონმა გაიმარჯვა. მეორეხარისხოვანი როლის საუკეთესო შემსულებლებად ალისია ვიკან-დერი და იდრის ელბა დასახელდნენ. საუკეთესო დასისთვის კი ფილმ "ყურადღების ცენტრში" შემოქმედებით ჯგუფი დააჯილდოვეს.