Новости за 23.05.2016

საარჩევნო უბანთან ძალადობა ან ძალადობის მუქარა სისხლის სამართლის კოდექსით დაისჯება. განცხადება ამის შესახებ თეა წულუკიანმა რამდენიმე წუთის წინ გააკეთა. 

ნაციონალურმა მოძრაობამ ქართულ ოცნებას ზუგდიდში კიდევ ერთხელ მოუგო - ზუგდიდის საოლქო საარჩევნო კომისიის მიერ 53-ე და 54-ე უბნებში ხელახალი გადათვლის შედეგები უკვე ცნობილია. ორივე უბანზე ხმების რაოდენობა უცვლელი დარჩა.

შინაგან საქმეთა სამინისტროს კრიმინალური პოლიციის დეპარტამენტის უფროსი ვანო პაპიაშვილი თანამდებობიდან გადადგა. როგორც კურიერს შსს-ში განუცხადეს, სამინისტროში მიმდინარეობს როტაცია, პაპიაშვილი კადრების განყოფილებაშია გადაყვანილი და მისი დანიშვნა სხვა თანამდებობაზე იგეგმება.

ერთიანი ნაციონალური მოძრაობის სამოქალაქო საზოგადოებასთან ურთიერთობის მდივანი ზურაბ ჭიაბერაშვილი კორცხელში ხმების ხელახალი დათვლის პროცესს ეხმაურება და აცხადებს, რომ ეს არის  ტესტი ცენტრალური საარჩევნო კომისიისთვის.

ზუგდიდის საოლქო-საარჩევნო კომისიის მიერ 53-ე და 54-ე უბნების ხმების ხელახალი დათვლის შემდეგ ერთ-ერთ უბანზე შედეგები იგივეა-მონაცემები უცვლელია და ნაციონალურმა მოძრაობამ ქართულ ოცნებას  ხმების რაოდენობით მოუგო. რაც შეეხება მეორე უბანს, ხმების გადათვლა ჯერ არ დასრულებულა.

ბიძინა ივანიშვილმა ტექნოლოგიური ინსტიტუტის პროექტის პრეზენტაციაზე მედიასთან განცხადების უმეტესი ნაწილი იმის მტკიცებას დაუთმო, რომ მისი პროექტი ყოფილი პრეზიდენტის ინიციატივაზე უკეთესია. ყოფილი პრემიერის თქმით, უნივერსიტეტის იდეა მას მიხეილ სააკაშვილმა მოჰპარა და ბათუმის ტექნოლოგიური უნივერსიტეტის მშენებლობა დაიწყო.

სტამბულში მიმდინარე მსოფლიო ჰუმანიტარული სამიტის ფარგლებში გიორგი მარგველაშვილმა პირისპირ შეხვედრა გამართა თურქეთის პრეზიდენტთან. მოლაპარაკების მთავარი თემა ორ ქვეყანას შორის პოლიტიკური, ეკონომიკური და კულტურული ურთიერთობები იყო. ორმხრივი შეხვედრების დაწყებამდე საქართველოს პრეზიდენტი სიტყვით გამოვიდა სამიტზე. მოგვიანებით კი მონაწილეობა მიიღო მრგვალი მაგიდის ფორმატში გამართულ დისკუსიაში, რომელიც დევნილების პრობლემებს შეეხებოდა. მსოფლიო ჰუმანიტარული სამიტი გაეროს ორგანიზებით პირველად ტარდება და... Читать дальше...

ხმაურიანი სხდომა და დაპირისპირება იუსტიციის საბჭოს წევრ ევა გოცირიძესა და ახალგაზრდა იურისტთა ასოციაციის თავმჯდომარეს შორის. ევროსასამართლოში წარსადგენი მოსამართლეების კონკურსზე ანა ნაცვლიშვილის მიერ ნული ქულით შეფასებით გაღიზიანებულმა გოცირიძემ სულ სხვა თემებზე მიმდინარე სხდომაზე საკუთარი საკითხის გარკვევა სცადა. მან საიას თავმჯდომარეს დასაბუთება იუსტიციის საბჭოს წევრების და უზენაესი სასამართლოს თავმჯდომარის თანდასწრებით მოsთხოვა.

პრემიერის თანაგუნდელი და ოცნების ახალი წევრი ჯერჯერობით სტატუსს ინარჩუნებს. დავით კოღუაშვილი პირადად გიორგი კვირიკაშვილმა სკანდალური საგაზეთო ინტერვიუსა და მმართველი გუნდის საყოველთაო აღშფოთების შემდეგ გააკრიტიკა. პრემიერთან საუბრისა და პოლიტსაბჭოზე საკითხის განხილვის შემდეგ პარტიიდან მისი გარიცხვა დღის წესრიგიდან მოიხსნა, თუმცა ოცნება საჯარო განმარტებებს ელის.

გიგა ოთხოზორიას მკვლელობა ზუგდიდში დღეს სიმბოლური მსვლელობით გააპროტესტეს. ანალოგიური აქცია გაიმართა თბილისშიც, ილიას უნივერსიტეტის სტუდენტებმა სასწავლებლიდან კანცელარიამდე მსვლელობა მოაწყვეს.

თავისუფალი დემოკრატები გამოძიების დაწყებას ითხოვენ. P.S.-ში გასული რეპორტაჟის შემდეგ, სადაც ე.წ. კაბელების საქმესთან დაკავშირებული დღემდე უცნობი დეტალები გასაჯაროვდა, ირაკლი ალასანიას გუნდი პროკურატურიდან სამართლებრივ რეაგირებას ელოდება.

სპორტსმენების ფოტოები ქართულმა ოცნებამაც გამოფინა. პარტიის პოლიტსაბჭოს ახალი წევრი იმ პირების ვინაობას ასაჯაროებს, რომლებიც მისი თქმით ნაციონალური მოძრაობის ზონდერებს წარმოადგენენ, თუმცა მამუკა მდინარაძის მიერ პირდაპირ ეთერში ჩამოთვლილი სპორტსმენები, ცოტა ხანში უკვე თბილისის პოლიციის ერთ-ერთი განყოფილებაში თავად გამოცხადნენ, იმის დასადასტურებლად, რომ კორცხელის მოვლენების დროს ისინი დედაქალაქში იმყოფებოდნენ.

ძალადობას ყველა გმობს, თუმცა კორცხელის დაპირისპირების მიზეზებს უმრავლესობა და ოპოზიცია განსხვავებულად განმარტავენ. უმრავლესობა ბრალდებებს არ იღებს და პროვოკაციაში ნაციონალურ მოძრობას ადანაშაულებს.

სპორტული სამყარო კორცხელში მომხდარ ინციდენტს გმობს. დღეს განცხადებები თითქმის ყველა ფედერაციაში გააკეთეს. სპორტსმენები ემიჯნებიან იმ პირებს, რომლებიც საარჩევნო უბანზე ფიზიკურად ძალადობდნენ.

კორცხელში მომხდარ დაპირისპირებაზე გამოძიება შინაგან საქმეთა სამინისტრომ ცემის მუხლით დაიწყო, თუმცა ამ დრომდე არავინ დაუკავებიათ. მათ შორის არც ის პირები, რომლებიც ოპოზიციის ლიდერებზე თავდასხმაში უშუალოდ მონაწილეობდნენ.

ზუგდიდის საოლქო საარჩევნო კომისიამ ქართული ოცნების მოთხოვნა დააკმაყოფილა და ხმების თავიდან გადათვლაზე გადაწყვეტილება მიიღო.

პრემიერმინისტრი გიორგი კვირიკაშვილი კორცხელში მომხდარ ფაქტთან დაკაშირებით განცხადებას ავრცელებს.

კიდევ ერთი კვლევა, რომელსაც მმართველი გუნდი არასასურველი შედეგის გამო უნდობლობას უცხადებს. საერთაშორისო გამჭვირვალობა საქართველოს მიერ ჩატარებული გამოკითხვის თანახმად საკმაოდ დიდია რესპოდენტთა რაოდენობა, რომლებიც მიიჩნევენ რომ ქვეყანაში არაფორმალური მმართველობაა.

დახურული სხდომა იმართება პარლამენტში თავდაცვისა და უშიშროების კომიტეტში. დეპუტატები და თავდაცვის სამინისტროს მაღალჩინოსნები სამხედრო სამეცნიერო ცენტრ დელტას საქმის შესახებ მსჯელობენ. რამდენიმე დღის წინ თავდაცვის მინისტრმა დელტას ხელმძღვანელი თანამდებობიდან მოხსნა. მიზეზად კახეთში სეტყვის საწინააღმდეგო სისტემის არაეფექტურობა დასახელდა.

ევროკავშირთან ასოცირების შეთანხმება საბოლოოდ პირველ ივლისს შევა ძალაში. დღეს ბრიუსელში, ევროკავშირისა და აღმოსავლეთ პარტნიორობის პროგრამის წევრი ქვეყნების საგარეო საქმეთა მინისტრების შეხვედრაზე ცნობილი გახდა, რომ ხელშეკრულების რატიფიცირება ორგანიზაციის ყველა წევრმა სახელმწიფომ მოახდინა. მინისტერიალზე განიხილეს საქართველოში არსებული წინასაარჩევნო გარემო და ვიზა ლიბერალიზაციის საკითხი. ამ თემაზე ხვალ ევროპულ საბჭოში ელჩების დონეზე გამართულ შეხვედრაზეც იმსჯელებენ.

 promise that all those who try to win elections by means of muscles, will lose, - Parliamentary Speaker of Georgia Davit Usupashvili has said responding to yesterday’s clashes in Kortskheli. 

“I would like to respond to the facts of violence that made all of us concerned. I would like to say very clearly that all those trying to win elections by means of muscles will lose… All those trying to gain power by means of violence, promote weakness of our country,’ he has said. 

პარლამენტის თავმჯდომარე დავით უსუფაშვილი ე.წ. ზონდერების წინააღმდეგ საბრძოლველი ქმედითი მექანიზმის შექმნის იდეით გამოდის. ეს ინიციატივა უსუფაშვილმა დღევანდელ ბიუროს სხდომაზე გააჟღერა და თქვა, რომ ყველა, ვინც კუნთებით შეეცდება არჩევნებში გამარჯვებას, წააგებს თავს.

პარტია ქართული ოცნება კიდევ ერთმა წევრმა დატოვა. დუშეთის მუნიციპალიტეტის საკრებულოს თავმჯდომარე მოძრაობას პაატა ბურჭულაძე - სახელმწიფო ხალხისთვის შეუერთდა. გიორგი ლაპანაშვილის განცხადებით, პარტიის დატოვების მიზეზი შეუსრულებელი დაპირებებია. კონკრეტულ მიზეზებს საკრებულოს თავმჯდომარე პარტიის ყრილობის შემდეგ დაასახელებს.

In connection with yesterday"s incident in Kortskheli , the police interrogated the journalists, including teh Courier correspondent Emma Gogokhia.

სოფელ კორცხელში გუშინ მომხდარ ინციდენტთან დაკავშირებით პოლიციაში დღეს ჟურნალისტებიც დაკითხეს, მათ შორისაა კურიერის ჟურნალისტი ემა გოგოხიაც.