Новости за 29.03.2016

ლეიბორისტული პარტიის ლიდერის, შალვა ნათელაშვილის, მტკიცებით, ამერიკის სენატში სპეციალური რეზოლუცია მზადდება, რომლის მიხედვითაც, ყოფილი პრემიერის ბიძინა ივანიშვილის ქონებას შესაძლებელია, პრობლემები შეექმნას.

ლეიბორისტული პარტიის ლიდერის, შალვა ნათელაშვილი, ივანიშვილის ანგარიშების დაყადაღებაზე საუბრობს. 

ლეიბორისტული პარტიის ლიდერი, შალვა ნათელაშვილი, დარწმუნებულია, რომ ფარული ჩანაწერების გავრცელება ბიძინა ივანიშვილის ინტერესებში შედის.

საქართველოს განვითარების ფონდის წარმომადგენელი, ხათუნა ლაგაზიძე, ხელისუფლებას მწვავედ აკრიტიკებს და მას "სუსტ" და "უმეცარ" ხელისუფლებას უწოდებს.

თავისუფალი დემოკრატების ლიდერი, ირაკლი ალასანია, მიიჩნევს, რომ ფარულ ჩანაწერების გავრცელებასთან დაკავშირებით პოლიტიკური პასუხისმგებლობის აღება პრემიერ-მინისტრს მოუწევს.

თავისუფალი დემოკრატების ლიდერის, ირაკლი ალასანიას, თქმით, რეგიონებში  უშიშროების ადგილობრივი თანამშრომლები დადიან და აწარმოებენ ფარულ მიყურადებას.

თავისუფალი დემოკრატების ლიდერი, ირაკლი ალასანია, ბიძინა ივანიშვილსა და ირაკლი ღარიბაშვილს ნაციონალური მოძრაობის მიერ დაწესებული ფარული თვალთვალის პრაქტიკის გაგრძელებაში ადანაშაულებს და ამბობს, რომ ასეთი მოთხოვნა მათ თავდაცვის მინისტრის თანამდებობაზე ირაკლი ალასანიას მიმართაც ჰქონდათ.

ნაციონალური მოძრაობის წევრის, გიორგი ვაშაძის, თქმით, სამართალდამცავი უწყებები არის ივანიშვილის ხელში და ეს არის მათი მართვის მეთოდი.

თავდაცვისა და უშიშროების კომიტეტის თავმჯდომარე, ირაკლი სესიაშვილი, ფარული ჩანაწერების გავრცელების სამ მიზეზს ასახელებს. 

The Prosecutor"s office has issued statement regarding Vano Machavariani`s questioning.

პროკურატურა ვანო მაჭავარიანის დაკითხვასთან დაკავშირებით განცხადებას ავრცელებს.  

სრულიად საქართველოს მუსლიმთა სამმართველოს ყოფილი შეიხის, ვაგიფ აქპეროვის, თქმით, იყო მუქარა მისი ოჯახის მიმართ და სიფრთხილის გამო მან აღარ გააგრძელა პირადი ცხოვრების ამსახველ კადრებზე საუბარი ერთი წლის წინ.

პრეზიდენტის ყოფილმა მრჩეველმა, ვანო მაჭავარიანმა, პროკურატურიდან 6-საათიანი გამოკითხვის შემდეგ საგამოძიებო უწყებისთვის მიცემული ინფორმაციის დეტალებზე გადაცემა არჩევანის პირდაპირ ეთერში ისაუბრა და თქვა, რომ მან მოქმედი მთავრობის წევრებზე ფარული ჩანაწერების შესახებ მიიღო ინფორმაცია, რომელთა გვარებიც ჯერ არ გავრცელებულა.

კინორეჟისორი, სცენარისტი და მსახიობი - ცნობილი ფილმების ავტორმა, პრემიებისა და ჯილდოების გარდა, ხალხის უდიდესი სიყვარული და ქართული კინოს ისტორიაში დამსახურებული ადგილი დაიკავა. ნანა მჭედლიძე 90 წლის ასაკში გარდაიცვალა.

მაგთიკომი კავკასუს ონლაინის აქტივების მფლობელი ხდება. კომპანიის მიერ გავრცელებული საგანგებო განცხადბის მიხედვით, მოლაპარაკებები საბოლოოდ დასრულდა და ურთიერთშეთანხმების მემორანდუმის საფუძველზე საოპერაციო აქტივების ყიდვა-გაყიდვა მოხდება.

ამ დრომდე უცნობია ეგვიპტის ავიახაზების კუთვნილი თვითმფრინავის გატაცების მიზეზი. ოფიციალური პირები ტერაქტის ვერსიას გამორიცხავენ.

სკანდალურ საკადრო გადაწყვეტილებებს შესაძლოა, ბაღების სააგენტოს ხელმძღვანელი შეეწიროს. მიუხედავად იმისა, რომ მერიაში ჯერჯერობით ოფიციალურად თემურ თორდინავას გადაყენებას არ ადასტურებენ, გავრცელებული ინფრომაციით, მას პოსტს უახლოეს მომავალში დაატოვებინებენ.

The director of Veterans Affairs State Service , Irakli Shikhiashvili, has resigned.

ვეტერანების საქმეთა სახელმწიფო სამსახურის დირექტორმა, ირაკლი შიხიაშვილმა, თანამდებობა დატოვა.

ახმეტის გამგეობაში მომხდარ ინციდენტს სამართალდამცველები უკვე იძიებენ, თუმცა კახეთის საინფორმაციო ცენტრის ხელმძღვანელი მომხდარზე რეაგირებას პრემიერისგან ითხოვს. ჟურნალისტის მისამართით სიტყვიერი შეურაცხყოფა და ფიზიკური ანგარიშსწორება ახმეტის გამგეობის ეკონომიკის სამსახურის უფროსისთვის დასმულ არასასიამოვნო შეკითხვას მოჰყვა.

დავით საყვარელიძე უკრაინის გენერალური პროკურორის მოადგილის მოვალეობას აღარ შეასრულებს. უწყების ხელმძღვანელმა ის დღეს დილით პოსტიდან გადააყენა და მიზეზი ბრძანებაში განმარტა.

მოჩვენებითი სიმშვიდე სახელმწიფო უნივერსიტეტში მხოლოდ 12 დღე გაგრძელდა. დღეს სტუდენტების ნაწილმა ისევ აქციების ფორმას მიმართა და ამჯერად შიმშილობა დაიწყო. სტუდენტური თვითმართველობის მთავარი მოთხოვნა ისევ რექტორის გადადგომაა.

პარტიულ გადაწყვეტილებას რესპუბლიკელები, სავარაუდოდ, ხვალ გამოაცხადებენ. არჩევნებში მონაწილეობის შერჩეული ფორმატი, გავრცელებული ინფორმაციით, ამ ეტაპზე კოალიციაში დარჩენას, არჩევნებზე კი დამოუკიდებლად გასვლას ითვალისწინებს.

სრულიად საქართველოს მუსლიმთა სამმართველოს ყოფილ შეიხი შანტაჟსა და მუქარაში სუს-ს ადანაშაულებს. ვაგიფ აქპეროვი კონკრეტულ ფაქტზე საუბრობს და აცხადებს, რომ თანამდებობა საკუთარი სურვილით არ დაუტოვებია და ის უსაფრთხოების წარმომადგენლებმა აიძულეს, ეს გადაწყვეტილება მიეღო.

ლევან იზორიას ანგარიშის განხილვა პარლამენტში. სახელმწიფო უსაფრთხოების სამსახურის უფროსის მოადგილეს დღეს ბევრ მწვავე კითხვაზე მოუწია პასუხის გაცემა.