Новости за 22.02.2021

ოპოზიციონერ ალექსეი ნავალნის რეგიონულმა ოფისმა ციმბირის ქალაქ ირკუტსკში გამოაქვეყნა უდიჩონაწერი, რომელიც შეიცავს ირკუტსკის სახელმწიფო სასოფლო-სამეურნეო უნივერსიტეტის ბიოტექნოლოგიის განყოფილების დეკანის საუბარს სტუდენტ აქტივისტთან, ევგენია ივანჩენკოსთან. ივანჩენკოს მიერ სოციალურ ქსელში გამოქვეყნებულ ფოტოებზე ის ჩანს გასული თვის საპროტესტო აქციებზე, რომლებიც ალექსეი ნავალნის დაპატიმრების წინააღმდეგ იყო მიმართული. მას შემდეგ, რაც ნავალნი გერმანიიდან დაბრუნდა მკურნალობის კურსის გავლის შემდეგ, ის 17 იანვარს დააპატიმრეს. Читать дальше...

დასაქმების ხელშეწყობის სახელმწიფო სააგენტოს ინფორმაციით, 22 თებერვლისთვის 86 395-მდე გაიზარდა გერმანიაში დასაქმების მსურველთა რაოდენობა. რეგისტრაციის პირველ დღეს, 15 თებერვალს, 24 საათში საქართველოს 35 121-მა მოქალაქემ შეავსო სამთავრობო საიტზე სააპლიკაციო ფორმა „დროებითი დასაქმება გერმანიაში“. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ საჯარო გამოსვლებში არაერთხელ აღნიშნა, რომ დასაქმდება ყველა, ვინც დამსაქმებლის მოთხოვნებს დააკმაყოფილებს. Читать дальше...

ირაკლი ღარიბაშვილის მინისტრთა კაბინეტის დამტკიცების შემდეგ გამართულ ბრიფინგზე „ერთიანი ნაციონალური მოძრაობის" წევრმა ხატია დეკანოიძემ ილაპარაკა პარტიის ოფისში მოსალოდნელი პროვოკაციის შესახებ.  „ჩვენი ინფორმაციით, ხელისუფლება გეგმავს „ერთიანი ნაციონალური მოძრაობის“ ოფისში პროვოკაციას. გეგმავს პროვოკაციას იმისთვის, რომ ძალიან კარგად იციან, რომ დღეს ჩვენს ხელთ არის უდიდესი მორალური უპირატესობა. მორალური უპირატესობა, რომელიც არის ზუსტად იმიტომ, რომ ჩვენ სიმართლის მხარეს ვართ“, - თქვა დეკანოიძემ.  როგორც პოლიტიკოს ამბობს... Читать дальше...

აშშ-ის სახელმწიფო მდივანმა, ენტონი ბლინკენმა განიარაღების კონფერენციის მონაწილებს უთხრა, რომ აშშ იმედოვნებს, რომ განავრცობს და განამტკიცებს, ბირთვულ შეთანხმებას, „მოქმედების ერთობლივ და მრავლისმომცველ გეგმას“, რომლის გარშემოც მოხდა შეთანხმება 2015 წელს და რომელზეც აშშ-ის წინა ადმინისტრაციამ უარი თქვა. ბლინკენის თანახმად, აშშ მოკავშირეებთან და პარტნიორებთან ერთად გააძლიერებს და გაფართოების შეთანხმებას და ყურადღებას დაუთმობს შეშფოთებებს, სხვათა შორს, ირანს, როგორც დესტაბილიზაციის ფაქტორს რეგიონში და... Читать дальше...

პარლამენტმა დღევანდელ რიგგარეშე სხდომაზე ირაკლი ღარიბაშვილის პრემიერობით მთავრობის ახალი შემადგენლობა დაამტკიცა. ირაკლი ღარიბაშვილს "ქართული ოცნების" ფრაქციაში დილიდან უსმენდნენ, პლენარულ სხდომაზე კი სიტყვით გამოვიდნენ კომიტეტების თავმჯდომარეები. ახალ მთავრობას 89 დეპუტატმა დაუჭირა მხარი, წინააღმდეგი კი 2 იყო. მთავრობის განახლებული შემადგენლობისთვის ნდობის გამოცხადება საჭირო გახდა მას შემდეგ, რაც 18 თებერვალს გიორგი გახარიამ დატოვა პრემიერ-მინისტრის თანამდებობა და მიზეზად დაასახელა „ნაციონალური მოძრაობის“ თავმჯდომარის... Читать дальше...

ევროკავშირის საგარეო საქმეთა მინისტრებმა 22 თებერვალს მიაღწიეს შეთანხმებას, რუსეთის „კონკრეტულ პირებს“ ახალი სანქციები დაუწესონ, ოპოზიციონერ ალექსეი ნავალნის დაპატიმრების და მისი მოკავშირეების ჩახშობის გამო, განაცხადა გერმანიის საგარეო საქმეთა მინისტრმა, ჰაიკო მაასმა.    ბრიუსელში შეკრებილები, 27 სახელმწიფოს მინისტრები კონკრეტულ პირებს დაუწესებენ სანქციებს, მათი აქტივების გაყინვისა და  მოგზაურობის აკრძალვის სახით. სანქციები იგეგმებოდა ბლოკის მიერ ახლად შექმნილი სანქციების ინსტრუმენტის ჩარჩოებში, რათა დაისაჯონ ადამიანის უფლებების დამრღვევები. Читать дальше...

„ერთიანი ნაციონალური მოძრაობის" თავმჯდომარეს ნიკა მელიას სოლიდარობას უცხადებს პოლიტიკოსი გედევან ფოფხაძე. ის მივიდა ოპოზიციური პარტიის ოფისში და აღნიშნა, რომ ეს არის შეტევა დემოკრატიის წინააღმდეგ. „ამ ოფისში ჩემი მოსვლის ერთადერთი მიზანი იყო ის, რომ ნიკა მელიასთვის ჩემი სოლიდარობა დამეფიქსირებინა. ნიკა მელია იქცა პოლიტიკური უსამართლო თავდასხმების ობიექტად და განზოგადებულად ხდება შეტევა ნიკა მელიაზე, თორემ ეს არის ქვეყანაში ოპოზიციურ აზრზე, თავისუფალ აზრზე შეტევა. მიმაჩნია, რომ ეს არის შეტევა დემოკრატიის წინააღმდეგ", - ამბობს გედევან ფოფხაძე. Читать дальше...

"ქართული ოცნების" დეპუტატი, ნიკოლოზ სამხარაძე ლიეტუველი დეპუტატის, ჟიგიმანტას პავილიონისის საქართველოში ვიზიტს წარუმატებელს უწოდებს. "სიმართლის თქმა არასოდეს არის საზიანო. ბატონი პავილიონისი არის პარტიული მეგობარი "ნაციონალური მოძრაობის". ეს პავილიონისმა ჩემთან შეხვედრისას თვითონაც აღნიშნა, რომ მას ჰყავს მეგობრები "ნაციონალურ მოძრაობაში", მას "ნაციონალურ მოძრაობაში" ენდობიან და შესაბამისად, ის შეეცდება, რომ დაარწმუნოს ოპოზიციის წევრები, რომ მათ კონსტრუქციულ დიალოგში მიიღონ მონაწილეობა. ეს იყო ჩვენი შეხვედრის შინაარსი... Читать дальше...

სამართალდამცავი სტრუქტურების თანამშრომლებს მხარდაჭერას უცხადებს პრემიერ-მინისტრობის კანდიდატი ირაკლი ღარიბაშვილი და აცხადებს, რომ პოლიცია დიდ რესურსს ხარჯავს „დესტრუქციული ჯგუფების დევნაზე“. „მძიმე სამუშაოს ემატება ეს პრობლემები, რომლებიც ჩვენს ქვეყანაში არსებობს, ამას ემატება ის, რომ დესტრუქციული ჯგუფები პირდაპირ პროვოცირებენ და უზარმაზარი რესურსი ცდება ჩვენი პოლიციის ამ დესტრუქციული ჯგუფების დევნაზე. რა თქმა უნდა, საბოლოო ჯამში, ეს ფონი იქმნება ქაოსის, დესტაბილიზაციის. ამიტომ, ძალიან მკაცრი პოლიტიკა გვექნება ყოველ ასეთ გამოვლინებაზე. Читать дальше...

„მე არ ვებრძვი ოპოზიციას და თქვენ ნუ ხართ აყოლილი. გამოდით ამ კომპლექსიდან, ნაცმოძრაობის კომპლექსიდან“, - ასე უპასუხა პრემიერ-მინისტრობის კანდიდატმა ირაკლი ღარიბაშვილმა დეპუტატ ალეკო ელისაშვილის კითხვას იმის შესახებ, რატომ ებრძვის ოპოზიციას. „მე ოპოზიციას კი არ ვებრძვი, მე ვებრძვი იმ ადამიანებს, ვინც უზარმაზარი ზიანი, გამოუსწორებელი ზიანი მიაყენა ჩვენს სახელმწიფოს, ვინც ტერიტორიები დაგვაკარგვინა, ვინც გაყიდა ჩვენი ისტორიული მიწები, ვინც ასიათასობით ჩვენს მოქალაქეს პატივი, ღირსება, ნამუსი ახადა... Читать дальше...

საქართველოს პრემიერობის კანდიდატმა, ირაკლი ღარიბაშვილმა "მოქალაქეების" ლიდერს, ალეკო ელისაშვილს დასმული კითხვის გამო "ნაცების რიტორიკას აყოლილი" უწოდა. ელისაშვილმა მას "კახურ კლანსა" და მის კავშირებზე ჰკითხა. "შემიძლია გიპასუხოთ ამაზე ვრცლად, თუმცა, მგონი, ახლა საინტერესო არ არის. თქვენ აყოლილი ხართ, როგორც ჩანს, ნაცების რიტორიკას და მათ მოგონილს - თითქოს კლანი მაქვს ან მქონდა - უნდა ჩამოყალიბდეთ. თუ ამბობთ, რომ მაქვს - გიპასუხებთ, რომ არ მაქვს. არც მქონია არანაირი კლანი. თუ კონკრეტული გვარები გაინტერესებთ... Читать дальше...

იტალიის ელჩი კონგოს დემოკრატიულ რესპუბლიკაში, მისი მცველი და „სურსათის მსოფლიო პროგრამის“ მძღოლი მოკლეს, როცა შეიარაღებული პირები კოლონას თავს დაესხნენ ქვეყნის აღმოსავლეთში. იტალიის მთავრობის თანახმად, ელჩი, 43 წლის ლუკა ატანასიო, მასთან ერთად იტალიის სამხედრო პოლიციელი, ვიტორიო იაკოვაჩი და კონგოელი მძღოლი მოკლეს თავდამსხმელებმა, როცა მათი გატაცება სცადეს ქალაქ კანიამაჰოროსთან, რეგიონის დედაქალაქ გომადან 25 კილომეტრში. „დიდან შევშფოთდი და უდიდესი ტკივილით შევიტყვე კონგოს დემოკრატიულ რესპუბლიკაში... Читать дальше...

„ევროპელი სოციალისტები“ მთავრობის შემადგენლობისა და სამთავრობო პროგრამის დასამტკიცებლად კენჭისყრაში მონაწილეობას არ მიიღებენ. „ჩვენ არ ვართ კოალიციურ მთავრობაში და რომ იყოს კოალიციური მთავრობა, რა თქმა უნდა, მაშინ ჩვენ მივიღებდით მონაწილეობას. ეს პრეროგატივა მმართველი პარტიისაა და ის აგებს პასუხს თავიდან ბოლომდე. მიუხედავად ამისა, ეს მთავრობა საქართველოს მთავრობაა და ვგულშემატკივრობთ“, - თქვა პარლამენტის პლენარულ სხდომაზე პარტიის ლიდერმა, დეპუტატმა ფრიდონ ინჯიამ. ინჯიამ განათლების მინისტრობის კანდიდატს... Читать дальше...

გერმანია ირანს მოუწოდებს, სრულად შეასრულოს 2015 წლის ბირთვული შეთანხმების პირობები, რაც, ამ ქვეყნის საგარეო საქმეთა მინისტრის თქმით, თეირანის ინტერესებშია. განიარაღების შესახებ გაეროს მიერ გამართულ კონფერენციაში, ჟენევაში, 22 თებერვალს, ჰაიკო მაასმა აღნიშნა, რომ ჯო ბაიდენის ადმინისტრაციამ გამოაცხადა თავისი მზადყოფნა, კვლავ შეუერთდეს შეთანხმებას, და დასძინა: „ირანის ინტერესებშია, შეცვალოს ახლა კურსი, სანამ შეთანხმება ისე არ დაზიანებულა, რომ გამოსწორება შეუძლებელი იყოს“. მაასმა განაცხადა, რომ გერმანია... Читать дальше...

საქართველოში პოლიტიკური კრიზისის არსებობას უარყოფს პრემიერ-მინისტრობის კანდიდატი ირაკლი ღარიბაშვილი. „ტყუილად ცდილობენ, არ მინდა ამ სიტყვის თქმა, მაგრამ ოპონენტებად წოდებული რადიკალური, დესტრუქციული ძალები ჩვეული საინფორმაციო ფსიქოლოგიური კამპანიის პირობებში იმგვარად წარმოჩენას სურათის, რომ თითქოს ჩვენ გვაქვს განსაკუთრებული კრიზისი. ეს კრიზისი არის ხელოვნურად შექმნილი, მეგობრებო. არავითარი კრიზისი არ არსებობს დღეს ქვეყანაში, გარდა იმ კრიზისებისა, რომელიც მე ჩამოვთვალე - პანდემია, ეკონომიკა, სიღარიბე და ა.შ.“... Читать дальше...

დასაქმების ხელშეწყობის სახელმწიფო სააგენტოს ინფორმაციით, 22 თებერვლის მდგომარეობით, გერმანიაში დროებით ლეგალურად დასაქმების სურვილი გამოხატა 86 395-მა პირმა, რომლებიც დარეგისტრირდნენ სპეციალურ პორტალზე https://workabroad.moh.gov.ge/ და შეავსეს სააპლიკაციო ფორმა „დროებითი დასაქმება გერმანიაში“. 15 თებერვალს, რეგისტრაციის პირველ დღეს, 24 საათში 35 121-მა პირმა შეავსო აღნიშნული აპლიკაცია. გერმანიაში დროებითი დასაქმება გულისხმობს 1-3 თვით გერმანიის რომელიმე სოფელში ვენახებსა და სხვადასხვა პლანტაციაში მუშაობას, მოსავლის აღებას. Читать дальше...

ქონება, რომელიც ირაკლი ღარიბაშვილს ახლანდელ დეკლარაციაში აქვს მითითებული განსხვავდება იმ ქონებისგან, რომელიც მას წინა პრემიერობის დროს შევსებული დეკლარაციაში აქვს მითითებული. ახალი მანქანები, ახალი მიწის ნაკვეთი და მეტი  ნაღდი ფული ანგარიშზე - ეს არის სხვაობა, რომელიც დოკუმენტებშია ასახული.  2013 წელს მან დეკლარაცია პრემიერ-მინისტრად დანიშვნიდან 1 თვეში, 27 დეკემბერს შეავსო. ამ დროს ის ფლობდა: სამ ბინას თბილისში: საბურთალოზე, გაგარინის ქუჩაზე 122 კვ.მ. ზომის ბინა 100 ათას ლარად 2009 წელს იყიდა; ვაკეში... Читать дальше...

საქართველოს პრემიერ-მინისტრობის კანდიდატი ირაკლი ღარიბაშვილი ამბობს, რომ ბოლო წლებში ქვეყანაში არაერთი წარმატებული რეფორმა განხორციელდა და მოხდა ისეთი სახელმწიფო ინსტიტუტების დეპოლიტიზება, როგორებიცაა პოლიცია, ჯარი და სასამართლო. ამ უკანასკნელზე, კერძოდ, სასამართლოზე საუბრისას ირაკლი ღარიბაშვილმა განაცხადა, რომ სიმართლეს არ შეესაბამება გავრცელებული აზრი იმის შესახებ, რომ სასამართლო კლანის მიერ იმართება: „დღეს გვსაყვედურობენ, რომ სასამართლო თურმე იმართება კლანის მიერ, რაც არის აბსოლუტური სიცრუე. Читать дальше...

საქართველოს პრემიერობის კანდიდატი, ირაკლი ღარიბაშვილი ამბობს, რომ მისი ერთ-ერთი პირველი ამოცანა ქვეყანაში კონსტიტუციური წესრიგის აღდგენა იქნება. მან პლენარულ სხდომაზე პრემიერად არჩევამდე თქვა, რომ ოპოზიციასთან საუბარი გამორიცხულია მაშინ, როცა რიგგარეშე არჩევნებზეა საუბარი. "ჩვენ კატეგორიულად ვაცხადებთ უარს ნებისმიერ მოლაპარაკებაზე, რომელიც რიგგარეშე არჩევნებს უკავშირდება. ეს საკითხი არის დახურული, ეს საკითხი არ განიხილება. მათ არ სურთ არც რიგგარეშე არჩევნები, არც სამართლიანი არჩევნები, არც დემოკრატიული არჩევნები... Читать дальше...

ბოსნიელ სერბთა პარტიის წარმომადგენელმა განაცხადა, რომ მან განმეორებით ადგილობრივ არჩევნებში, სრებრენიცაში, ყველაზე მეტი ხმა მოიპოვა ბოსნიელ მაჰმადიანთა ბოიკოტის მიუხედავად. მლადენ გრუიჩიჩმა თავისი გამარჯვება გამოაცხადა ბოსნიასა და ჰერცეგოვინის აღმოსავლეთში, სერბთა რესპუბლიკაში მდებარე სრებრენიცაში, სადაც სერბთა ძალების მიერ 8000 მუსლიმი კაცი და ბიჭი იქნა მოკლული 1995 წლის ივლისში, ბოსნიის ომის დროს. სრებრენიცასა და დობოიში, რომელიც ქვეყნის ჩრდილოეთშია, არჩევნები განმეორებით ჩატარდა დარღვევების... Читать дальше...

ირაკლი აბუსერიძე და მისი მხარდამჭერები პროტესტს უცხადებენ 24 თებერვლისთვის დანიშნულ რაგბის კავშირის საპრეზიდენტო არჩევნებს. ამის შესახებ რადიო თავისუფლებას ვეტერანმა მორაგბემ, ბობა კვინიხიძემ უთხრა. მისივე სიტყვებით, მუნიციპალიტეტებში ხელმძღვანელობის მხრიდან კლუბებზე ზეწოლა ხორციელდება, რათა მომავალი საპრეზიდენტო არჩევნები მათთვის მისაღები შედეგით დასრულდეს. „24 თებერვლის ყრილობა უკანონოა. მისი დანიშვნის შესახებ გადაწყვეტილება არალეგიტიმურმა გამგეობამ მიიღო და არ ვაპირებთ მასში მონაწილეობის მიღებას. Читать дальше...

აშშ-ში კორონავირუსით გარდაცვლილთა რიცხვი ნახევარ მილიონს უახლოვდება. ამას მეტყველებს Johns Hopkins-ის უნივერსიტეტის ვებსაიტზე გამოქვეყნებული სტატისტიკა. ეს უფრო მეტი ამერიკელია, ვიდრე დაიღუპა პირველ და მეორე მსოფლიო ომში, ასევე მეტია, ვიდრე დაიღუპა ვიეტნამის ომში. საიტ Worldometer-ის მიხედვით, აშშ-ი COVID-19-ით გარდაცვლილთა რიცხვმა უკვე გადააჭარბა 500 ათასს. აშშ მსოფლიოში პირველ ადგილზეა კორონავირუსით ინფიცირებულთა და გარდაცვლილთა რაოდენობით. პანდემიის დაწყებიდან აშშ-ში 28 მილიონზე მეტი ადამიანი დაავადდა COVID-19-ით. Читать дальше...

„მთავარი არხის“ გენერალური დირექტორი ნიკა გვარამია პრემიერობის კანდიდატის ირაკლი ღარიბაშვილის განცხადებას ფეისბუკის საშუალებით ეხმაურება და სვამს კითხვას, არის თუ არა პრემიერობის კანდიდატის მიერ მისი კრიმინალად მოხსენიება მისი და მისი მედიის პოლიტიკური დევნა. „როცა პრემიერი კრიმინალად, თან მთავარ კრიმინალად გაცხადებს, იმ ვითარებაში, როცა არც ერთი გამამტყუნებელი განაჩენი არ დამდგარა ჩემზე და როცა ჩემს წინააღმდეგ პოლიტიკურად მოტივირებული სისხლის სამართლის საქმე სასამართლოში მიმდინარეობს, როგორ უნდა იქნეს ეს აღქმული და შეფასებული? Читать дальше...

GIPA-ს ასოცირებული პროფესორი, თენგიზ ფხალაძე აცხადებს: "შეიძლება დავდგეთ იმ მოცემულობის წინაშე, რასაც ჰქვია შესაძლებლობის ფანჯარა და თუ ამისთვის მზად არ აღმოვჩნდებით, ძალიან ძვირ ფასს გადავიხდით ამ მოუმზადებლობისთვის". ამ კონტექსტში პოლიტოლოგი მნიშვნელოვნად თვლის პოლიტიკური დიალოგის განახლებას.

საქართველოში გამოვლენილი კორონავირუსის 147 ახალი შემთხვევიდან თითქმის მესამედი თბილისზე მოდის. ქვეყანაში 5 275 ტესტი ჩატარდა, დადებითობის მაჩვენებელი კი 2,79 პროცენტია. რეგიონების მიხედვით, ინფიცირების მაჩვენებელი ასე ნაწილდება: თბილისი - 64, აჭარა - 11, იმერეთი - 28, ქვემო ქართლი - 1, შიდა ქართლი - 16, გურია - 10,  სამეგრელო-ზემო სვანეთი - 12, კახეთი - 4, მცხეთა-მთიანეთი - 1, სამცხე-ჯავახეთი - 0, რაჭა-ლეჩხუმი და ქვემო სვანეთი - 0. გასული დღე-ღამის განმავლობაში გარდაიცვალა COVID-19-ით დაავადებული 12 პაციენტი. Читать дальше...