Новости за 31.08.2021

د طالبانو پر ضد په پنجشیر کې د مقاومت جبهه وايي، د اګست پر ۳۰مه يې د طالبانو برید په شاه تمبولی دی.  د دې ډلې یوه غړي فهیم دشتي د اګست پر ۳۱مه نېټه رسنیو ته په یوه پیغام کې ادعا کړې چې د دوی او طالبانو تر منځ په جګړه کې لږ تر لږه اته طالبان وژل شوي.  "تېره شپه د پنجشیر د دروازې لویدیځ خوا ته طالبانو یو برید وکړ. ښایي غوښتل یې په پنجشیرو د برید لپاره خپل بخت وازمويي. د خدای په فضل بخت ورسره مل نه وو. اوه – اته کسان یې ووژل شول. څو کسان یې ټپيان شول. د مقاومت دوه کسان هم ټپيان شوي. وطنوال دې تشویش... Читать дальше...

پر افغانستان د طالبانو تر قبضې وروسته هلته اوس د حکومتي جوړونې لپاره هلې ځلې روانې دي خو له دې سره همهاله د خیبر پښتونخوا په قبایلي ضلعو کې هم د امنیت وضع په خرابېدو ده. په شمالي وزیرستان کې هدفي بریدونو زیات شوي دي. د کرښې پر غاړه خپرونه کې پر دې بحث شوی چې د افغانستان امنیتي او سیاسي وضعیت پر قبایلي ضلعو څومره او څنګه اغیزمنې کړی دی؟

د سيند حکومت دا پرېکړه د اګست پر ۳۰مه د صحت محکمې وزيرې ډاکټر عذرا پيچوهو په مشيري په يوه غونډه کې کړې ده.

له باجوړ سره تړاو لرونکې رشنا ضمير د مشال راډیو د سروې خپرونې مېلمنه ده. هغه دامهال په اسلام اباد کې په يوه شخصي ټېلېويژن ((هم پښتو ون)) کې خبرونه وړاندې کوي. له دې پرته رشنا غرختونکې هم ده او په بېلابېلو سياليو کې يې برخه هم اخيستې ده. له رشنا ضمير سره ملیحې امیرزاده مرکه کړې ده.

شاه محمود قريشی دا خبره د اګست پر ۳۱مه نېټه په اسلام اباد کې له خپل جرمن سيال هایکو ماس سره په ګډه خبرې غونډه کې کړې ده.

د بلوچستان پښتون مېښته سيمه زیارت کې سياسي ګوندونو او ځايي خلکو د ليويز سرتېرو د وژنو پرضد پرلت وهلی دی. دوی له حکومت غوښتنه کوي چې اېف سي ځواک دې له سيمې وباسي. درې ليويز سرتېري د اګست پر ۲۶مه د زیارت مانګي بند سره وژل شوي ول. د بلوچستان حکومت وايي چې سرتېري د حکومت اثاثه ول او زر به يې قاتلان نيسي.

پرلتوالو د اګست پر ۲۶مه د وژل شوو درې لېویزو مړي ایښي او غوښتنه کوي چې اېف سي ځواک دې د دوی له سیمو ووځي.

د امریکا د پوځ د مرکزي قوماندانۍ مشر جنرال کېنېټ فرانک مېکنزي د اګسټ پر ۳۰مه مازېګر مهال د دې ماموریت د پای ته رسېدو اعلان وکړ.

د اګست پر ۳۰مه د پاکستان په شمول په نړۍ کې په زوره د لادرکۍ پرضد نړيواله ورځ ولمانځل شوه.په دغه ورځ د پاکستان په بیلا بیلو ښارونو کې د لادرکه کړل شوو کسانو د کورنیو غړو احتجاجي مظاهرې وکړې. په اسلام اباد کې هم د قبایلي سیمو ځېنې کسانو احتجاجي مظاهره وکړه او وينا يې وه چې حکومت دې لادرکه کسان بازيابه کړي. د پاکستان حکومت په ۲۰۱۱ز کال کې د دغو لادرکه کسانو د درک لګولو او د زمه وارو د مواخذې لپاره سپريم کورټ د پخواني جج جاويد اقبال په مشرۍ کې يو کميشن جوړ کړو. ويډيويي راپور