Новости за 02.10.2023

Ish-presidenti i Shteteve të Bashkuara, Donald Trump, doli para një gjykate në Nju Jork të hënën, për t’u përballur me akuzat për mashtrim financiar. Trump e quajti të “rrejshëm” rastin gjyqësor ndaj tij, duke thënë se synimi i këtij rasti është parandalimi i kthimit të tij në Shtëpinë e Bardhë. Gjyqi për mashtrim, njëri nga disa betejat ligjore kundër 77-vjeçarit, mund të ndikojë që ish-presidentit t’i ndalohet bërja biznes në shtetin e Nju Jorkut. “Kjo ka të bëjë me ndërhyrje në zgjedhje... Читать дальше...

Shtetet e Bashkuara nuk kanë mundur ta vërtetojnë se Serbia i ka tërhequr trupat dhe mjetet ushtarake nga kufiri me Kosovën, tha të hënën zëdhënësi i Departamentit të Shtetit, Matthew Miller. Ai theksoi se Uashingtoni vazhdon të jetë i shqetësuar për rritjen e vazhdueshme të tensioneve dhe dhunës së herëpashershme në veri të Kosovës. Të hënën më herët, shefi i Shtabit të Përgjithshëm të Ushtrisë së Serbisë, Millan Mojsilloviq, tha se Serbia i ka tërhequr disa prej trupave të ushtrisë së vet të vendosura pranë kufirit me Kosovën... Читать дальше...

Parlamenti Evropian (EP) pritet ta miratojë një rezolutë të jashtëzakonshme për marrëdhëniet mes Kosovës dhe Serbisë më vonë këtë muaj, pas sulmit nga një grup i armatosur serb ndaj Policisë së Kosovës në veri të vendit më 24 shtator, njoftoi të hënën deputeti kroat në EP, Tonino Picula. Kërkesën për këtë rezolutë e bëri vetë Picula, në lidhje me raportet mes dy vendeve fqinje dhe gjendjen e sigurisë në veri të Kosovës pas sulmit. Picula tha se e mori shumicën e nevojshme për propozimin e tij... Читать дальше...

Presidenti i Serbisë, Aleksandar Vuçiq, tha të hënën se të gjithë ata që morën pjesë në sulmin ndaj policisë së Kosovës në Banjskë në veri të Kosovës “do të japin llogari para institucioneve të Serbisë”. Në një intervistë për televizion amerikan CNN, Vuçiqi theksoi se këtu përfshihet edhe përgjegjësia e Millan Radoiçiqit, njërit prej liderëve kryesorë të serbëve të Kosovës, i cili e mori përgjegjësinë për sulmin e 24 shtatorit. "Serbia, natyrisht, do t’i mbajë përgjegjës të gjithë njerëzit që... Читать дальше...

Prokuroria Speciale e Republikës së Kosovës tha se ka nisur hetimet për sulmin në Banjskë dhe se, aktualisht, është në proces të mbledhjes së informatave dhe dëshmive në lidhje me këtë rast. Hetime paralele u paralajmëruan edhe nga Prokuroria e Serbisë, por nuk është e qartë nëse dy institucionet do të bashkëpunojnë me njëra-tjetrën. Nga Bashkimi Evropian - që ndërmjetëson përpjekjet për normalizimin e marrëdhënieve Kosovë-Serbi - thanë se Kosova ka mandat për ta hetuar sulmin në Banjskë dhe se Serbia e ka obligim të bashkëpunojë me të... Читать дальше...

Video-incizime të ushtrimeve në poligon ushtarak, testim i pajisjeve ushtarake dhe pamje të një kompleksi hotelier në Kopaonik të Serbisë, janë provat e fundit që për Prishtinën zyrtare dëshmojnë implikimin e Serbisë në sulmin e 24 shtatorit në Banjskë të Zveçanit. Por, në Beograd u mohuan këto pretendime. Sipas zyrtarëve serbë, Millan Radoiçiq dhe grupi i tij nuk kanë ushtruar në asnjë bazë ushtarake në Serbi.

Projektligji për amnisti që ndodhet për miratim në Kuvendin e Maqedonisë së Veriut, ka shkaktuar mospajtime ndërmjet Aleancës për Shqiptarët (ASH) dhe Lidhjes Social-Demokrate (LSDM), ndonëse se ai ka kaluar në Qeveri me mbështetjen e të gjitha partive të koalicionit qeverisës. Deklarata e ministrit të Punëve të Brendshme, Oliver Spasovski se “tani nuk është koha për miratimin e një ligji të tillë”, për faktin se nuk do të jepte efekte sa i përket qëllimit për shpopullimin e burgjeve, është kundërshtuar nga propozuesi... Читать дальше...

Një klub nate në Spanjë, i cili u rrënua nga një zjarr gjatë fundjavës duke i vrarë 13 njerëz, ishte urdhëruar të mbyllje në vitin 2022, njoftuan autoritetet spanjolle të hënën. Zjarri - i cila u ndez të dielën herët në mëngjes në një ndërtesë ku ishin të vendosura klubet e natës Fonda Milagros dhe Theatre në periferi të Murcias - është më vdekjeprurësi në një klub nate në tri dekadat e fundit në Spanjë. Këshilli i Qytetit i Mucias e kishte urdhëruar në janar 2022 mbylljen e klubeve të natës... Читать дальше...

Kryeministri i Shqipërisë, Edi Rama dhe homologu i tij kroat, Andrej Plenkoviq, i bënë thirrje të hënën Bashkimit Evropian dhe Perëndimit të ndërmarrin masa kundër Serbisë, pas sulmit nga një grup i armatosur serb ndaj Policisë së Kosovës në veri të vendit më 24 shtator. Rama, i cili është në një vizitë në Zagreb, tha se agresioni i “forcave paramilitare është po aq shqetësues sa vetë reagimi i Beogradit”, sipas Radio Televizionit të Kroacisë (HRT). Thirrja e dy liderëve vjen një javë pasi Policia... Читать дальше...

Presidenti i Turqisë, Recep Tayyip Erdogan, tha më 1 tetor se vendi i tij “nuk pret më asgjë nga Bashkimi Evropian, i cili na ka lënë të presim në derën e tij për 40 vjet”. “Ne i kemi mbajtur të gjitha premtimet që ia kemi bërë BE-së, ndërsa ata nuk e kanë përmbushur pothuajse asnjë zotim”, tha ai para fillimit të sesionit të ri parlamentar në Ankara. Erdogani shtoi se nuk e ka ndër mend të “tolerojë kërkesa të reja, apo kushte në procesin e anëtarësimit” të Turqisë në bllok. Zemërimi i Erdoganit... Читать дальше...

Edhe në këtë vit të ri akademik, Universiteti i Prishtinës ishte zgjedhja e parë për mijëra të rinj në Kosovë. Numri më i madh i njësive akademike është ndër arsyet kryesore që studentët e rinj zgjedhin të studiojnë në Universitetin e Prishtinës. Megjithatë, ka shumë probleme, që i përcjellin këta të rinj gjatë studimeve në këtë universitet publik, si literatura, numri i madh i studentëve në grupe në fakultete të caktuara, mungesa e kabineteve specifike aty ku janë të nevojshme etj. Albë Lala, nënkryetare... Читать дальше...

Zëdhënësi i Bashkimit Evropian, Peter Stano, ka thënë të hënën se Policia e Kosovës ka mandat për t’i hetuar sulmet që i janë bërë në Banjskë të Zveçanit më 24 sthator, ndërsa Serbia e ka obligim të bashkëpunojë, pa kushte. Ai i ka bërë këto deklarata teksa është pyetur për dëshmitë e fundit të publikuara nga autoritetet e Kosovës lidhur me këtë sulm. Ai e ka përsëritur se BE-ja është në pritje të rezultateve të plota të hetimeve, që ta ketë një pasqyrë të qartë të asaj që ka ndodhur, dhe në bazë të tyre të marrin vendime vendet anëtare... Читать дальше...

Shefi i Shtabit të Përgjithshëm të Ushtrisë së Serbisë, Millan Mojsilloviq, i mohoi akuzat e autoriteteve të Kosovës se Serbia, përmes sulmit në Banjskë, ka synuar aneksimin e veriut të Kosovës. "Ushtria serbe është një organizatë serioze, e fortë, që nuk toleron gënjeshtra", tha Mojsilloviq në një konferencë për gazetarët në Beograd. "I mohoj të gjitha akuzat e bëra nga Prishtina", theksoi ai. Ministri i Brendshëm i Kosovës, Xhelal Sveçla, tha të dielën se Serbia ka planifikuar aneksimin e veriut të Kosovës, përmes sulmit në Banjskë. Читать дальше...

Çmimi Nobel për Mjekësi u është ndarë shkencëtarëve që e kanë zbuluar teknologjinë mRNA për vaksinat kundër koronavirusit. Katalin Kariko dhe Drew Weissman do ta ndajnë çmimin e këtij viti. Kjo teknologji ka qenë eksperimentale para pandemisë së koronavirusit, mirëpo me të janë krijuar vaksina për miliona njerëz në botë. Teknologjia e njëjtë - mRNA - po synohet të përdoret edhe për sëmundje tjera, përfshirë edhe kancerin. “Laureatët kanë kontribuuar në nivel të pashembullt për zhvillim të vaksinës... Читать дальше...

Drejtori i Zyrës për Kosovën në Qeverinë e Serbisë, Petar Petkoviq, ka thënë të hënën se autoritetet në Serbi nuk janë duke kërkuar nga misioni i NATO-s në Kosovë, KFOR dhe misioni i Bashkimit Evropian për sundim të ligjit, EULEX, “që të qëndrojnë në anën serbe”. “Ne vetëm kërkojmë që ata të jenë objektivë, të jenë neutralë”, ka thënë Petkoviq në një konferencë për media në Beograd, në të cilën është diskutuar për sulmin ndaj Policisë së Kosovës në Banjskë të Zveçanit, më 24 shtator. Atë ditë... Читать дальше...

Eksodi i armenëve etnikë nga Nagorno-Karabaku, pasojat e sulmit të armatosur ndaj Policisë së Kosovës në veri të vendit, shënimi i ditëlindjes së Profetit Muhamed janë vetëm disa nga ngjarjet e javës që lamë pas, prej nga Radio Evropa e Lirë sjell fotografi të veçanta. (Përgatiti: Syzanë Paçarizi)

Victoria Beckham ka thënë se presioni që e ka përjetuar David Beckham pasi i është dhënë një karton i kuq në ndeshjen për Kupën e Botës më 1998, e ka përballur me “depresion të thellë”. Në një serial të ri dokumentar të platformës Netflix, me emrin “Beckham” – që do të publikohet të mërkurën – flitet për karrierën e yllit të futbollit nga perspektiva e shumë personave të tij të afërt. Në episodin e dytë të dokumentarit, Viktoria dhe David diskutojnë për abuzimin që e kanë përjetuar në fund të viteve ’90... Читать дальше...

Nëntë persona raportohet të kenë vdekur dhe rreth 20 të tjerë kanë mbetur nën rrënojat e kulmit të një kishe në Meksikë. Mediat lokale kanë thënë se 49 persona janë dërguar në spital, pas shembjes së kulmit të kishës Ciudad Madero të Santa Kruzit. Policia në Tamaulipas ka thënë se rreth 100 persona kanë qenë në meshë, në kohën e incidentit. Mediat lokale kanë raportuar se aty ka qenë duke u zhvilluar një pagëzim, andaj në mesin e personave nën rrënoja janë edhe fëmijët. Autoritetet janë duke... Читать дальше...

Turqia ka thënë se ka kryer një mori sulmesh ajrore kundër rebelëve kurdë në veri të Irakut, disa orë pas një shpërthimi vetëvrasës afër Ministrisë së Brendshme turke. Qeveria ka thënë se 20 shënjestra janë shkatërruar dhe shumë militantë të grupit të ndaluar Partia Popullore e Kurdistanit (PKK) janë “neutralizuar”. PKK ka thënë se në mëngjesin e së dielës është kryer një sulm nga një grup i lidhur me të në kryeqytetin turk Ankara, dhe për pasojë, një person e ka hedhur veten në erë. Një sulmues... Читать дальше...